پاکستان ڈیجیٹل انقلاب نا کنڈآ عزم اتون ہِننگ ءِ، انڈس اے آئی ویک آن جامعہ ، اسٹارٹ اپ و جہانی کمپنی تیٹی کمکاری ممکن مریک، شزافاطمہ خواجہ

اسلام آباد۔ 09فروری (اے پی پی) بنجائی وزیر انفارمیشن ٹیکنالوجی شزافاطمہ خواجہ پارینے کہ انڈس اے آئی ویک آن جامعہ، اسٹارٹ اپ و جہانی کمپنی تیٹی کمکاری ممکن مریک، ڈیجیٹل سکلز پروگرام آن الس ءِ بنداوی اے آئی مہارت فراوان کننگ انگ ءِ، خراج نظام اٹی اے آئی ٹریک اینڈ ٹریس آن شفافیت اٹی ودکی مسنے، پاکستان جدت، علم و شونداری نا سفر ءِ برجاتخک۔ داخیال آتا درشانی ءِ او انڈس اے آئی ویک نا بنائی دود آن تران کرساکرے۔ بنائی دود اٹی وزیراعظم محمد شہباز شریف ، بنجائی وزیر حوالکاری و شینکاری عطاء تارڑ، بنجائی وزیر ڈٹ بندی احسن اقبال و ایلوفتیان بیدس جہانی مہمان ہم ساڑی ئسر۔ بنجائی وزیر شزافاطمہ خواجہ پارے کہ انڈس اے آئی ویک 2026 نا باقاعدہ وڑاٹ بناءِ کننگانے، وزیراعظم نا کماشی ٹی قومی ڈیجیٹائزیشن و اے آئی پالیسی آ عمل برجاءِ، پاکستان ڈیجیٹل انقلاب نا کنڈآ عزم اتون ہِننگ ءِ۔ اوپارے کہ ڈیجیٹل نیشن پاکستان ایکٹ انا رداٹ قومی ڈیجیٹل روڈ میپ تیار کننگانے، نیشنل ڈیجیٹل کمیشن وزیراعظم شہباز شریف نا کماشی ٹی جوڑ کننگانے۔ اوپارے کہ پاکستان ڈیجیٹل اتھارٹی ملک گیر ڈیجیٹل ماسٹرپلان تیار کننگ ءِ، ڈیٹا، سائبر سیکورٹی و اے آئی کن پیدوار گورننس فریم ورک اس جوڑ کننگانے۔ اوپارے کہ پاکستان نا اولیکو قومی اے آئی پالیسی ستمبر 2025 اٹی درستی راستی کرفنگا وخت اس کہ 2026 اٹی اے آئی پالیسی آ عملدرآمد نا بناءِ کننگا۔ اوپارے کہ انڈس اے آئی ویک آن جامعہ، اسٹارٹ اپ و جہانی کمپنی تیٹی کمکاری ممکن مریک، ڈیجیٹل اسکلز پروگرام آن الس ءِ بنداوی اے آئی مہارت فراوان کننگ انگ ءِ۔ اوپارے کہ پاکستان اٹ السی خذمت آتا بشخ آتے ڈیجیٹائز کننگ انگ ءِ، خراج نظام اٹی اے آئی ٹریک اینڈ ٹریس آن شفافیت اٹی ودکی مسنے۔ اوپارے کہ نجی بشخ ڈیجیٹل بدلی نا کماشی ءِ کے۔ پاکستان جدت، علم و شونداری نا سفرءِ برجاتخک۔