وتواجہ وام تا خطرہ غاتون مون تننگ کن وخت آ گام گیج، سوگوادارہ، شفافیت و پت انا قابل پالیسی فریم ورک آتا گرج ءِ، وزیرخزانہ محمد اورنگزیب نا العلاکانفرنس آن تران

العلا۔ 09 فروری (اے پی پی) بنجائی وزیر خزانہ ومحصولات سینیٹر محمد اورنگزیب پارینے کہ اصل پالیسی چیلنج بیرہ وام تا کچ انا بست وبند اف بلکن لیکویڈٹی نا زور ءِ ادائیگی نا لائخی مفننگ اٹ بدل مننگ آن توننگ و شونداری ءِ مون آ دروک و راجی خڑچ آتا رکھ ءِ پک کننگ اٹی ءِ، وتواجہ وام تا خطرہ غاتون مون تننگ کن وخت آ گام گیج، سوگو ادارہ، شفافیت و پت انا قابل پالیسی فریم ورک آتا گرجءِ۔ اوداہیت ءِ دوشنبے نادے آ سعودی عرب نا شار العلاٹی العلاکانفرنس 2026 نا وخت آ وتواجہ وام تا خطرہ غاتون مون تننگ نا سرحال آ بڑزکو کہول انا گول میز شرہ ٹی بشخ ہلنگ نا وخت آپارے۔ کانفرنس حکومتِ سعودی عرب و جہانی مالیاتی فنڈ انا شریداری اٹ اڈتننگانے۔ وزیرخزانہ پارے کہ جہانی کہول آ سرکاری وامک تاریخ نا بڑزکو کہول آ ساڑی ءُ، ہرا بڑزکو وام سروسنگ خڑچ، سخت مالیاتی حالیت و کچ اٹ مالی گنجائشت نا کمک اٹ مون آ بروک و پدتموک زرگزران تیا پدریسہ زور شاغنگ ءِ۔ اوپارے کہ اصل پالیسی چیلنج بیرہ وام تا کچ انا بست وبند اف بلکن لیکویڈٹی نا زور ءِ ادائیگی نا لائخی مفننگ اٹ بدل مننگ آن توننگ و شونداری ءِ مون آ دروک و راجی خڑچ آتا رکھ ءِ پک کننگ اٹی ءِ۔ وزیرخزانہ سعودی عرب نا وزیر خزانہ محمد الجدان نا ریمارکس نا حوالہ ءِ تس ہراپاریسس کہ زرگزرانی سوگوی شونداری نا مخالف اف بلکن پائیدار و دیرپا زرگزرانی ودکی نا المی بنداو ءِ۔ وزیرخزانہ پارے کہ پاکستان نا ساڑی آ آزموندہ دا نقطہ نظر نا پبی تائید ءِ کننگ ءِ۔ وزیرخزانہ پارے کہ پاکستان منظم زرگزرانی پالیسی، ادارہ جاتی اصلاحات و فعال وام جاتی نظم ونسق انا کمک اٹ سوگوی نا بحالی ٹی بنائی ولے بامعنی پیش رفت کرینے ولے او داہم امنا کرے کہ اصلاحات نا سفر داسکان برجاءِ۔ وزیرخزانہ پارے کہ پاکستان سرکاری وام تے قابو ٹی تخنگ و اودے گچین وڑاٹ منظم کننگ نا کنڈآ ہِننگ ءِ، ہراٹی مدِ ادائیگی ٹی ودکی، وام سروسنگ خڑچ اٹی کمتی، و گڑاس وام تا وخت آن مست ادائیگی اوار ءِ۔ داگام گیج آتیٹی تدوک آ مسہ سال آتیٹی جی ڈی پی نا کچ آن وام تا کچ کم وود 74 درسد آن کم مرسا لگ بھگ 70 درسد اسکان بسنے وخت اس کہ جی ڈی پی نا کچ آن پیش نا وام تا کچ مستحکم رہینگانے۔