ناشرکاریں عناصر پاکستان ءَ امن نہ لوٹ اَنت، امن ءِ برجائی ءِ ھاترا درستاں یکجاہ کار کنگی اِنت، رانا ثنا اللہ

لاہور۔8فروری (اے پی پی): مزن وزیر ءِ سیاسی ءُ راجمانی کارانی بابت ءَ مشیر رانا ثنا اللہ ءَ گشتگ کہ بلوچستان ءَ ناشرکار شناختی کارڈ ءُ اے بے گناہیں شہری آنی لاش سرجمیں پنجاب ءَ سر بوھگ ءَ گندگ ءَ پد زھگ ءُ ھاندان ءِ سر ءَ تیر گواری کن اَنت بلے کدی کسے ءَ گْوشتگ کہ اے کار بلوچستان ءِ راج ءِ نیمگ ءَ کنگ بوھگ ءَ اَنت؟ ما درست اے گپ ءِ سر ءَ تپاک کن ایں کہ اے عناصر ھما ناشرکار اَنت کہ پاکستان ءَ امن نہ لوٹ اَنت ۔ سیکورٹی فورسز ءِ نیمگ ءَ ناشرکاری ءِ ھلاپ ءَ موثر کارروائی کنگ بوھگ ءَ اِنت بلے امن ءِ برجائی ءِ واستہ ھرکس ءَ را یکجاہ کار کنگی اِنت۔ آئی ءَ یک شمبے ءِ روچ ءَ لاہور ءِ یک دمگی ہوٹل ءَ ’’جمہوریت ءُ کانود ءِ حاکمی‘‘ ءِ سرھال ءِ سر ءَ دو روچی اسماء جہانگیر کانفرنس ءِ گڈی دیوان ءَ گوں گشتانک دیگ ءَ ات۔ رانا ثنا اللہ ءَ گوشت کہ اے وھد ءَ بلوچستان جتا جتائیں رنگ ءِ دو سنگینیں بحرانانی آماچ انت ءُ دوئیں آنی گیواری ءِ راہ ءُ راہبند ھم جتا بہ بنت، البت یکیں رھبند ءِ زورگ ءَ ما ردی کنگ ءَ ایں ۔ آئی ءَ گْوشتگ کہ جعفر ایکسپریس وئیل ءِ ویڈیو الم ھرکس ءَ دیستگ اَنت، بلے ایشی ءَ ابید ھم پنجاب ءَ بلوچستان نشانگ نہ کتگ۔ آئی ءَ اے گپ ءِ نیمگ ءَ دلگوش گور کت کہ بلوچستان ءِ مردم فیصل آباد ءَ ھوار پنجاب ءِ جتا جتائیں شھراں ارباں کلدار ءِ کاروبار کنگ ءَ اَنت ءُ تاں روچ ء مرچی یک انچیں مثالے ھم نیست کہ پنجاب ءَ ایوک ءَ آئی ءِ پجار ءِ بنیاد ءَ کسے بلوچ ءِ بدنام کنگ بوتگ۔ رانا ثناء اللہ ءَ گشتگ کہ ہر تک ءُ پھنات ءَ گشگ بوتگ کہ اے کارروائی ناشرکارانی کار انت، ہچ صوبہ ءُ قوم ءِ نہ انت۔ آئی ءَ اے جُست چست کُت کہ جعفر ایکسپریس ءِ وئیل ءِ روچ ءَ ھندی رسانکدر ءَ ھچ وڑیں جشن ءُ مراگش نہ بوتگ؟ کہ اے گپ ءِ ثبوت اِنت کہ دژمن ءِ لشکر پاکستان ءَ ناامنی لوٹ اَنت۔