وفاقی وزیر خزانہ محمد اورنگزیب ءَ ورلڈ بینک ءِ منیجنگ ڈائریکٹر ءَ گوں گند ءُ نند کتگ، ملکی شریکداری ءِ چارچوب ءُ دیمروئی ءِ اولویتانی بابت ءَ گپ ءُ تران

اسلام آباد۔8فروری (اے پی پی): وفاقی وزیر خزانہ ءُ آمدنی ءِ سینیٹر محمد اورنگزیب ءَ سعودی عرب ءَ بوھوکیں سالانہ الولا کانفرنس ءِ رد ءَ ورلڈ بینک گروپ ءِ منیجنگ ڈائریکٹر انا بیجرڈ ءَ گوں گند ءُ نند کت۔ ادا رستگیں پریس ریلیز ءِ رد ءَ گند ءُ نند ءِ ساھت ءَ گوستگیں ہفتگ ءَ ورلڈ بینک ءِ صدر ءِ پاکستان ءِ تر ءُ تاب ءَ پد دوئیں نیمگ ءَ ملکی شریکداری فریم ورک ءِ چیر دستی ءَ کتگیں پیشرفت ءِ سر ءَ چار ءُ تپاسی کنگ بوتگ ءُ دیمروئی کمک ءَ را گیش مھکم کنگ ءِ واستہ دیم ءِ راہ ءِ سر ءَ ھیال ریچی کنگ بوتگ۔ گپ ءُ تران ءَ توانائی، وانگ ءُ زانگ، جان سلامتی، موسمیاتی لچک، دیمروئی ءِ اولویت، مالیاتی اصلاحات ءُ بنیاتی ڈھانچہ ءِ دیمروئی ءَ ھوار بازیں اولویت ءِ شوبگ آنی سر ءَ احاطہ کنگ بوتگ ءُ کارکردگی ءِ واضح ٹریکرز ءِ دیم ءَ آرگ ءِ ضلورت ءِ سر ءَ زور پر دیگ بوتگ ءُ زمہ واری آناں ٹھوس آسر آنی تہ ءَ ترجمہ کنگ ءِ واستہ گیش مھکم ءُ موثر نفاذ ءِ میکانزم ءَ را دل یکیمی کنگ بوتگ۔ انا بیجرڈے ءَ پاکستان ءِ 10سالی دیمروئی پروگرام ءِ واستہ ورلڈ بینک گروپ ءِ 20ارب ڈالر ءِ مھکمیں عزم ءِ سر ءَ زور پر دات ءُ ملک ءِ اصلاحات ءُ دیمروئی ایجنڈا ءِ واستہ بینک ءِ برجاھیں کمک ءِ سر ءَ زور پر دات۔ آئی ءَ پروگرام ءِ دیمروئی ءِ اثر ءَ را گیش ءَ چہ گیش کنگ ءِ واستہ برجاھیں کمک ءُ موثر نفاذ ءِ ارزشت ءَ را زور پر دات۔ سینیٹر محمد اورنگزیب ءَ پاکستان ءِ حکومت ءِ ورلڈ بینک گروپ ءِ گوما نزیکیں کمک ءِ عزم ءِ سر ءَ زور پر دات ءُ سیادی داروکیں وفاقی وزارت آنی وسیلگ ءَ سرجمیں کمک ءِ دل یکیمی دات۔ آئی ءَ صوبائی حکومت آنی کرد ءُ کمک ءِ سر ءَ ھم زور پر دات تانکہ پروگرام ءِ چیر دستی ءَ جوانیں ھمگرنچی، وھد ءِ سر ءَ عمل درآمد ءُ آسر آنی سر کنگ ءَ را دل یکیمی کنگ بہ بیت۔ 2025 ءَ بندات بوتگیں ابھریں مارکیٹ ءِ معیشت ءِ سروک دیوان ءَ وزیر ھزانگ، مرکزی بینک ءِ گورنر، مزنیں پالیسی ساز، میاں اوستمانی مالیاتی ادارگ آنی سروک ءُ سرجمیں دگنیا ءِ سروکیں ماہرین یکجاہ بنت ءُ ابھریں مارکیٹ ءِ معیشت آنی دیم ءَ اوشتاتگیں کلیدی معاشی چیلنج ءُ موہ آنی سر ءَ گپ ءُ تران کن اَنت۔