صدر آصف علی زرداری ءَ اسلام آباد ءِ ناشرکاری اُرش ءَ پد دلپدردی ءِ پیغام ءُ یکوئی ءِ پد ءَ تاجک صدر ءِ منت گپت

اسلام آباد۔7فروری (اے پی پی): صدر آصف علی زرداری ءَ اسلام آباد ءَ بوتگیں غمناکیں ناشرکاری اُرش ءَ پد دلپدردی ءِ پیغام ءُ یکوئی ءِ درشان کنگ ءِ ھاترا تاجکستان ءِ صدر ایموملی رحمون ءِ منت گپت۔ صدر ءِ مملکت ءَ شمبے ءِ روچ ءَ ایکس ءِ سر ءَ وتی پوسٹ ءِ تہ ءَ گوشت کہ پاکستان ناشرکاری ءِ ھلاپ ءَ تاجکستان ءِ ھاسیں موقف ءِ توسیپ ءَ کنت۔ آئی ءَ گوشت کہ ما اے زھرناکیں کارروائی ءِ مذمت کنگ ءُ اے غمناکیں اُرش ءَ گار بوتگیں بے گناہیں جانی آنی شرپ ءَ کنگ ءَ یکجا ایں ۔