تاجکستان ءِ صدر ءَ صدر آصف علی زرداری ءُ مزن وزیر محمد شہباز شریف ءَ را اسلام آباد ءَ ناشرکاری اُرش ءَ بے گناہیں مردمانی بیرانی ءِ سر ءَ دلپدردی کلوہ

اسلام آباد۔7فروری (اے پی پی): جمہوریہ تاجکستان ءِ صدر ایموملی رحمون ءَ اسلام آباد ءِ یک مسیتے ءَ ناشرکاری اُرش ءَ بے گناہیں مردمانی بیرانی ءِ سر ءَ صدر آصف علی زرداری ءُ مزن وزیر محمد شہباز شریف ءَ را دلپدردی کلوہ دیم داتگ۔ ایوان ءِ میڈیا ونگ ءِ رد ءَ کلوہ ءِ تہ ءَ تاجکستان ءِ صدر ءَ اللہ تعالیٰ ءَ چہ شہید آنی واستہ مغفرت ءُ رحم ءِ دزبندی کتگ ءُ ٹپیگ آنی زوت ءُ سرجمی ءَ جان سلامتی ءِ واستہ دزبندی کتگ۔ تسلیت ءِ پیغام ءَ گیش گشگ بوتگ کہ تاجکستان اے زھرناکیں ناشرکاری کارروائی ءُ عمومی رنگ ءَ ناشرکاری ءِ ھرچ رنگ ءُ دروشم ءِ سر ءَ سک باز مذمت کنت ءُ مدام اے گپ ءِ سر ءَ زور پر داتگ کہ اے آفت ءِ ھلاپ ءَ برجاھیں ءُ زبردستیں جھد ناگزیر اِنت۔