پاکستان ءُ ازبکستان بزنس فورم ءِ موہ ءَ وفاقی وزیر تجارت جام کمال خان ءَ میڈ ان ازبکستان ءِ نمائش ءِ بنگیج کت

اسلام آباد۔7فروری (اے پی پی): پاکستان ءُ ازبکستان بزنس فورم ءِ موہ ءَ میڈ ان ازبکستان ءِ نمائش ءِ بنگیج ءَ وفاقی وزیر برائے تجارت جام کمال خان ءَ کت۔ آئی ءَ ازبکستان ءِ وزیر تجارت ءِ گوما ربن ءِ کٹگ ءَ چہ نمائش ءِ باقاعدہ بنگیج کت۔ اے موہ ءِ سر ءَ تران کنان ءَ ادا جاڑی بوتگیں بیان ءِ رد ءَ وفاقی وزیر کامرس جام کمال خان ءَ گوشت کہ میڈ ان ازبکستان ءِ نمائش پاکستان ءُ ازبکستان ءِ نیام ءَ تجارتی ءُ صنعتی کمک ءَ را دیمروئی دیگ ءَ ھاسیں کرد پیلو کنت۔ اے وڑیں نمائش کاروباری رابطہ، مشترکہ منصوبہ ءُ سرمایہ کاری ءِ ھاتر ءَ نوکیں موہ پیداک کن انت۔ پاکستان ءُ ازبکستان ءِ نیام ءَ ترجیحی تجارتی معاہدہ ءُ بزنس کونسل ءَ چہ دو نیمگی تجارت ءَ را گیش گیشی کیت۔ وفاقی وزیر برائے تجارت ءَ نمائش ءِ تہا جوڑ بوتگیں جتا جتائیں اسٹال آنی تر ءُ تاب کت ءُ ازبکستان ءِ پیداوار آنی کوالٹی ءُ برآمداتی گنجائش ءِ توسیپ کت۔ اے موہ ءِ سر ءَ وفاقی وزیر مواصلات عبدالعلیم خان ءَ دمگی رابطہ ءُ انفراسٹرکچر ءِ ھوالگ ءَ کمک ءِ دیمروئی ءِ ضلورت ءِ سر ءَ زور پر دات۔ نمائش ءِ بنگیج ءِ تہ ءَ بھر زوری کنوکیں راجی فوڈ سیکیورٹی ءِ وفاقی وزیر رانا تنویر حسین ءَ کشت ءُ کشاری ءُ فوڈ پروسیسنگ ءِ شوبگ آنی تہ ءَ کمک ءِ مزنیں امکانات آنی سر ءَ چمشانک دات۔ صنعت ءُ پیداوار ءِ ھاسیں کمکار ہارون اختر خان ءَ صنعتی شراکت داری ءُ سرمایہ کاری ءِ موہ آناں المی لیک اتگ۔ میڈ ان ازبکستان ءِ نمائش ازبکستان ءِ صنعت، دستکاری ءُ نوکیں چیز آناں پاکستانی مارکیٹ ءَ را دیم ءَ آرگ ءِ واستہ یک موثریں پلیٹ فارم ءِ انت۔