جامعہ زرعیہ  یونیورسٹی ءُ ازبکستان ءِ کشت ءُ کشار ءِ   پٹ ءُ پولی ادارہ ءَ پٹ ءُ پول، دیمروئی ءُ سائنسی کمک ءِ دیمروئی ءِ ھاتر ءَ یک معاہدے ءِ سرا دستخط

فیصل آباد۔ 06 فروری (اے پی پی): فیصل آباد ءِ کشت ءُ کشاری یونیورسٹی ءُ جمہوریہ ازبکستان ءِ کشت ءُ کشاری ءِ جنوبی پٹ ءُ پولی ادارگ ءِ نیام ءَ بنیاتی ڈھانچہ، پٹ ءُ پول ءُ سائنسی کمک ءِ دیمروئی ءِ واستہ کمک ءِ ھوالگ ءَ یک مفاہمت نامہ ءِ سر ءَ دستخط کنگ بوتگ۔ اے معاہدے ءِ رد ءَ زرعی یونیورسٹی آف فیصل آباد ءُ جمہوریہ ازبکستان ءِ کشت ءُ کشار ءِ جنوبی پٹ ءُ پولی ادارگ یکجائی ءَ کشت ءُ کشار ءُ فوڈ سائنس ءِ میاں اوستمانی مرکز ءِ سر ءَ عمل کنگ ءَ انت کہ ایشی ءِ مول ءُ مراد کشت ءُ کشار ءُ فوڈ سسٹم ءِ دیم ءَ پیداکیں چیلنج آناں گیش ءُ گیوار کنگ انت۔ اے معاہدہ ءِ سرا فیصل آباد ءِ کشت ءُ کشاری یونیورسٹی ءِ وائس چانسلر پروفیسر ڈاکٹر ذوالفقار علی ءُ جمہوریہ ازبکستان ءِ کشت ءُ کشاری ءِ جنوبی پٹ ءُ پولی ادارہ ءِ ڈائریکٹر ڈاکٹر دیوور جورایف ءَ دستخط کتگ۔ اے معاہدہ آنی تہ ءَ گندم ءِ ھوالگ ءَ مہارت، زانت ءُ پٹ ءُ پولی سامان آنی بھر ءُ بانگ، ہائبرڈ گندم ءِ نسل ءِ تہ ءَ یکجائی صلاحیت سازی ءِ پروگرام ءُ تیزی ءَ گوں نسل ءِ تکنیک ھوار اَنت۔ زرعی یونیورسٹی فیصل آباد پاکستان ءِ نامداریں وانگ ءُ زانگ ءُ پٹ ءُ پولی ادارگ اِنت کہ زرعی ءُ انسانی زانت ءِ پڑ ءَ جوانیں ازمت کنگ ءَ اِنت ءُ ٹائمز ہائر ایجوکیشن، گرین میٹرک ورلڈ یونیورسٹی ءُ ویب میٹرکس ءِ جھان ءِ درجہ بندی ءِ نظام ءَ میاں اوستمانی شناخت ءِ واھند اِنت۔ کشت ءُ کشار ءِ جنوبی پٹ ءُ پولی ادارہ، کشت ءُ کشار ءِ تہا زانت ءُ نوآبادیاتی ءِ راجی مرکز، وزارت کشت ءُ کشار، جمہوریہ ازبکستان، وزارت کشت ءُ کشار، جمہوریہ ازبکستان ءِ چیر دستی ءَ کار کنگ ءَ انت، کہ اودا نوکیں پٹ ءُ پول ءِ سرا دان  ءُ دال  نہال آنی   رکھینگ۔ اے میاں اوستمانی کمک ءَ چہ پاکستان ءُ ازبکستان ءَ پائیدار کشت ءُ کشار ءُ فوڈ سیکیورٹی ءِ دیمروئی، سرجمی ءِ تہ ءَ نوآبادیاتی ءُ صلاحیت سازی ءِ سبب جوڑ بیت۔