وزیر داخلہ طلال چوہدری ءِ گشگ انت کہ رینجرز آرڈیننس 1959 ءِ رد ءَ یکجائی چیک پوسٹ جوڑ کنگ بوت کنت ءُ ہمے قانونی فریم ورک ءِ رد ءَ ناجائزیں منشیات ءِ سمگلنگ  ءِ کارروائیانی ھلاپ ءَ رینجرز ءِ سروسز آنی ازمت زورگ بوھگ ءَ اِنت، وزیر ءِ مملکت برائے تہی کار طلال چوہدری

اسلام آباد۔6فروری  (اے پی پی): وزیر مملکت طلال چوہدری ءَ جمعہ ءِ روچ ءَ ایوان بالا ءَ گوں تران کنان ءَ گوشت کہ رینجرز آرڈیننس 1959 ءِ رد ءَ یکجائی چیک پوسٹ جوڑ کنگ بوت کنت ءُ ھمے کانود ءِ رد ءَ ناجائزیں منشیات ءِ سمگلنگ ءِ کارروائی آنی ھلاپ ءَ رینجرز ءِ سروسز زورگ بوھگ ءَ انت۔ آئی ءَ گوشت کہ کسٹم پاکستان ءَ ناجائزیں منشیات ءِ اسمگلنگ ءِ واستہ 2023 ءِ ایس آر او ءِ چیر دستی ءَ رینجرز ءِ کمک ءِ لوٹ کتگ ایشی ءَ پد صوبائی حکومت ھاسیں رنگ ءَ سندھ ءِ گوما شور ءُ سلاھ ءَ یکجائی چیک پوسٹ جوڑ کنگ بوتگ۔ سندھ حکومت ءَ اے چیک پوسٹ آنی تہ ءَ کانودی کرد پیلو کتگ ءُ صوبائی حکومت ءِ شور ءُ سلاھ ءَ چہ درستیں بندوبست کنگ بوتگ ۔ طلال چوہدری ءَ گوشت کہ اے وھد ءَ نزیک ءَ دہ جاگہ ​​آنی سر ءَ یکجائی چیک پوسٹ جوڑ کنگ بوتگ کہ اودا روچے نزیک ءَ چار ہزار گاڑی گوزگ ءَ انت۔ اے چیک پوسٹانی سر ءَ امن ءُ ایمنی ءِ برجائی ، ناجائزیں سمگلنگ ءُ سلاہ ءُ گولہ بارود ءِ دیم ءَ دارگ ءِ ھاترا گشت ءُ گشت کنگ بیت وھدے کہ انٹیلی جنس رپورٹانی رد ءَ ھاسیں گاڑی ءُ مردمانی سر ءَ ھم نگرانی کنگ بیت۔ آئی ءَ گوشت کہ گوستگیں روچاں اے چیک پوسٹ آنی سر ءَ آپریشن ءِ ساھت ءَ وت کُش اُمب تراک کنوکیں جنک ھم دزگیر کنگ بوتگ آئی ءِ ھال سندھ ءِ تہی کارانی وزیر ءَ میڈیا ءَ داتگ۔ وزیر ءِ مملکت ءَ گوشت کہ شہری آناں بوت کنوکیں تکلیف ءَ را کم کنگ ءِ واستہ گامگیج چست کنگ بوتگ ایشی ءِ تہ ءَ ھیلپ لائن، واٹس ایپ نمبر ءُ اہلکار آنی واستہ باڈی کیمرہ آنی کارمرد کنگ ھوار انت۔ ہر چیک پوسٹ ءِ انسپکٹر یا چہ ایشی ءَ بُرزتر اِنت۔ حضور افسر ءِ منصوبہ بندی کنگ بوتگ۔ آئی ءَ اے گپ ءِ پدرائی کت کہ اے یکجائی چیک پوسٹ صوبائی حکومت آنی گوما شور ءُ سلاھ ءَ جوڑ کنگ بنت ءُ لھتیں دمگ آنی تہ ءَ رینجرز صوبہ آنی چیر دستی ءَ انتظامی کار کن اَنت۔ طلال چوہدری ءَ ایوان ءِ تہا نظم ءُ ضبط ءِ اپیل کنان ءَ گشتگ کہ آ جست ءُ پرس ءِ پسو دیگ ءِ ھاتر ءَ سرجم ءَ ھوار آں بلے آپریشن نظم ءُ ضبط ءِ رد ءَ کنگ بہ بیت۔