دوئیں ملک آنی نیام ءَ اقتصادی سیادی آناں دیمروئی دیگ ءِ تہ ءَ کاروباری براتی ءِ ھاسیں کرد اِنت، نجی شوبگ آنی نیام ءَ 3.4ارب ڈالر ءِ معاہدہ آنی سر ءَ عمل کنگ مزنیں گامگیج اِنت، مزن وزیر شہباز شریف ءُ ازبکستان ءِ صدر پاکستان ءُ ازبکستان کاروباری فورم ءَ گوں تران

اسلام آباد۔6فروری  (اے پی پی): مزن وزیر محمد شہباز شریف ءُ ازبکستان ءِ صدر شوکت میرزیوف ءَ دوئیں ملک آنی نیام ءَ اقتصادی سیادی آنی دیمروئی ءِ تہ ءَ کاروباری براتی ءِ کرد ءَ را سک باز المی لیک اِتگ ءُ دل یکیمی داتگ کہ کاروباری راہ ءِ تہ ءَ درستیں رکاوٹ آناں ھلاس کنگ بیت، دوئیں ملک آنی سرمایہ کار وتی کاروباری جاہ ءِ سر ءَ کارمرد کنگ ءَ چہ 2018 ءَ کارمرد کنگ ءَ کمک کت کن اَنت۔ دوئیں ملک آنی نجی شعبہ آنی نیام ءَ 3.4ارب ڈالر ءِ معاہدہ دیم ءَ روگ ءِ مزنیں گامگیج اِنت۔ آ جمعہ ءِ روچ ءَ پاکستان ءُ ازبکستان ءِ نیام ءَ تجارتی کساس ءِ تہ ءَ گیشی ءُ دوئیں ملک آنی نیام ءَ کاروباری چست ءُ ایر آناں دیمروئی دیگ ءِ ھوالگ ءَ پاکستان ءُ ازبکستان بزنس فورم ءَ گوں گشتانک کنگ ءَ اتنت۔ اے موہ ءِ سر ءَ نائب مزن وزیر ءُ دری کارانی وزیر محمد اسحاق ڈار ءَ ابید دوئیں ملک آنی بزنس کمیونٹی ءِ وزیر، سرکاری مزن مزنیں کارندہ ءُ نامداریں مردم ھم ساڑی بوتگ اَنت۔ مزن وزیر محمد شہباز شریف ءَ گوشت کہ تاشقند بزنس فورم ءَ پد کتگیں اصلاحات ءُ گامگیج آنی آسر ءَ کہ سک باز پائدگ مند ثابت بوتگ، دو نیمگی تجارت ءِ کساس گیش بوتگ ءُ گوستگیں سال ءَ اے 450ملین ڈالر ءَ سر بوتگ۔ آئی ءَ پاکستان ءُ ازبکستان بزنس فورم ءِ بھر زوروک آناں وش اتک کت ءُ پاکستان ءُ ازبکستان ءِ نیام ءَ اقتصادی سیادی ءُ بیپاری سیادی ءِ تہ ءَ گیشی ءَ را وش اتک کت۔ مزن وزیر ءَ گوشت کہ دوئیں ملک آنی جندی شوبگ آنی نیام ءَ 3.4ارب ڈالر ءِ معاہدہ آنی سر ءَ عمل درآمد یک مزنیں گامگیج ءِ انت۔ آئی ءَ گوشت کہ بزنس فورم وت مہ وتی اقتصادی کمک ءُ سرمایہ کاری ءَ را دیمروئی دیگ ءِ واستہ یک جوانیں پلیٹ فارم ءِ انت۔ اے گپ ءِ سر ءَ تپاک کنگ بوتگ کہ باہمی تجارت ءِ حجم ءَ را 2 ارب ڈالر ءَ سر بہ کنت ءُ سائنس ءُ ٹیکنالوجی، توانائی، زراعت، ءُ ٹیکسٹائل ءِ پڑ ءَ کمک ءَ را گیش کنگ بہ بیت۔ مزن وزیر ءَ گوشت کہ دوئیں ملک آنی نیام ءَ دو نیمگی تجارت ءَ را گیش دیمروئی دیگ ءِ گنجائش است انت۔ آئی ءَ حکومت ءِ اقتصادی گامگیج آنی ذکر کت ءُ گوشت کہ افراط زر ءِ شرح 30درسد ءَ چہ یک ہندسہ ءَ کم کنگ بوتگ، افراط زر ءِ شرح ءَ را مزنیں کساسے ءَ کمی بوتگ، 2023ءَ اقتصادی جاور ھال ھراب بوتگ انت، اقتصادی چیلنج آناں سوبمندیں رنگ ءَ چہ دیم ءَ اتکگ۔ آئی ئَ پاکستان ئِ آئی ٹی شوبگ ئِ دیمروئی ئِ گپ جتگ ئُُ گوشت کہ برآمدات ئِ تہ ئَ گوستگیں سال ئَ 18درسد گیشی بوتگ ایشی ئَ چہ 3.8ارب ڈالر بوتگ۔ ازبکستان ءِ صدر ءَ اے درگت ءَ ھاسیں زانت ءُ سرپدی است انت۔ آ وتی توانائی، ھیال ءُ لیکہ ءُ بے مٹیں جزم ءَ چہ نپ چست کنگ لوٹیت۔ آئی ءِ گپانی رد ءَ گوستگیں دہ سالانی تہ ءَ ازبکستان ءِ سرجمیں پیداوار دو رند ءَ گیش بوتگ۔ ازبکستان ءِ سروکی ءَ 8.5 میلیون مردم چہ گریبی ءَ در کتگ ءُ بے روزگاری ءَ را کم کتگ۔ مزن وزیر ءَ گوشت کہ تر ءُ تاب ءِ ساھت ءَ قدرتی وسیلگ، جان سلامتی، ٹرانسپورٹ ءُ سیل ءُ سواد ءِ شوبگ آنی تہ ءَ کمک ءَ را دیمروئی دیگ ءِ سر ءَ تپاک کنگ بوتگ۔ ازبکستان ءَ برنج ءُ آلو ءِ لوٹ پیلو کنگ بیت۔ پاکستان چمڑے ءِ چیز، کان ءُ معدنیات، حلال گوشت ءَ ھوار بازیں چیز برآمد کت کنت۔ پاکستانی ٹیکسٹائل برآمد کنوکیں کمپنی ازبکستان ءَ پلانٹ جوڑ کنگ ءِ واھشت مند اَنت۔ ٹیکسٹائل پلانٹ دوئیں ملکاں اقتصادی لحاظ ءَ فائدہ مند بنت۔ مزن وزیر ءَ گوشت کہ پاکستان قدرتی وسیلگ آنی تہ ءَ چہ مالا مالیں ملک اِنت، ایشی ءَ چہ ازبکستان سیت چست کت کنت۔ ما ازبک کمپنیاں یک محفوظ ءُ دلکشیں سرمایہ کاری ءِ ماحول ءِ دات کنیں۔ ازبکستان ءِ تاجر تجارتی تجویزاں آرگ ءَ انت۔ بیوروکریسی ہچ وڑیں کاروبار ءِ راہ ءَ رکاوٹ جوڑ نہ بیت۔ کاروبار ءِ راہ ءَ رکاوٹ ہلاس کنگ بنت ءُ کاروبار ءَ را لال ٹیپ ءِ قربانی کنگ ءِ اجازت نہ دیگ بیت۔ مزن وزیر ءَ گوشت کہ پی آئی اے سیل ءُ سواد ءَ را دیمروئی دیگ ءِ واستہ بالی گراب آنی تہ ءَ گیشی کنت ۔ بزنس فورم ءَ گوں گشتانک دیان ءَ ازبکستان ءِ صدر شوکت میرزیویف ءَ گوشت کہ کاروباری برات دوئیں ملک آنی نیام ءَ رابطہ ءِ مستریں وسیلگ انت ءُ اقتصادی سیادی آنی تہ ءَ کلیدی کرد انت۔ آ ایشاں کاروبار ءِ واستہ ہر وڑیں آسراتی دنت ءُ اڑانداں دور کنت۔ آئی ءَ کاروباری براتی ءُ سرمایہ کار آناں زور پر دات کہ آ جیڈھ ءُ رکاوٹ آنی پجاری ءَ بہ کن اَنت، دوئیں ملک وت مہ وتی شریکداری ءِ وسیلگ ءَ دیم ءَ روگ ءَ چہ نپ چست کن اَنت۔ آئی ءَ گوشت کہ آئی ءَ وتی برات مزن وزیر محمد شہباز شریف ءِ سروکی ءِ پنت ءُ شون آناں ساڑات، پاکستان ءُ ازبکستان ءِ نیام ءَ سیادی ءَ را کثیر جہتی رنگ زرتگ، ءُ بزنس فورم ءِ تہ ءَ منّگ آنی سر ءَ عمل درآمد ءَ چہ دو نیمگی سیادی ءَ را گیش مھکم بیت۔ آئی ءَ گوشت کہ ازبکستان ءِ حکومت ءُ الس پاکستان ءِ گوما سیادی ءَ را ارزشت دنت، دوئیں ملک آنی سرمایہ کار ءُ کاروباری مردم یک ءُ دومی ءِ تجربت آں چہ سیت زورگ ءَ انت، کاروباری فورم ءُ اے تر ءُ تاب ءَ چہ دوئیں ملک آنی نیام ءَ تجارتی کمک ءَ را گیش ءُ گیوار بیت۔ دو نیمگی معاہدہ آنی جوانیں رنگ ءَ عمل درآمد ءِ واستہ جزم ءِ درشان کنان ءَ آئی ءَ گوشت کہ ازبکستان ءَ کاروباری چست ءُ ایر آنی واستہ جوانیں چاگرد است انت۔ آئی ءَ پاکستانی سرمایہ کار آناں دعوت دات کہ آ ازبکستان ءَ بیا اَنت ءُ مارکیٹ ءَ را پٹ ءُ پول بہ کن اَنت، اگاں دوئیں ملک آنی سرمایہ کار یکجائی ءَ کار بہ کن اَنت گڈا آ گلوبل مارکیٹ ءَ وتی جاگہ ​​ءَ جوڑ کت کن اَنت۔ ازبکستان ءِ صدر ءَ گوشت کہ پاکستان ءَ را سرجیکل انسٹرومنٹس ءُ درمان آنی شوبگ ءَ کمک پجاری کنگ بیت، پاکستانی سرمایہ کار آناں ٹیکسٹائل ءِ شوبگ ءَ ھم آسراتی پجاری کنگ بیت۔ آئی ءَ پاکستانی کاروباری مردمانی واستہ 10سال ءِ واستہ ٹیکس ءَ چہ استثیٰ ءِ جار جتگ۔ آئی ءَ گوشت کہ ما جان سلامتی ءِ شوبگ ءَ سرجمی ءَ کمک ءِ واستہ تیار آں، 2026ءَ وت مہ وتی سیت ءِ دیمروئی ءِ سال بیت۔ آئی ءَ دوئیں ملک آنی نیام ءَ بالی گراب آنی تہ ءَ گیشی ءِ ھم جار جتگ۔ ازبکستان ءِ صدر ءَ پروفیسر ءُ ڈاکٹر ءِ لقب دیگ ءِ سر ءَ ھم منت واری ءِ درشان کت۔ کاروباری دیوان ءِ ساھت ءَ پاکستان ءُ ازبکستان ءِ نیام ءَ جتا جتائیں پڑاں کمک ءِ ھوالگ ءَ منّگ ءُ مٹ ءُ درور کنگ بوت ایشی ءِ تہ ءَ اے معاہدہ ءِ تہا ٹائل ءِ پیداوار ءُ برآمد ءِ دیمروئی، تاشقند لادار زون ءِ جوڑ کنگ، معدنی ءُ کان کنی ءِ شعبہ ءَ کمک ءُ کشت ءُ کشاری، مال ءُ مڈی، ڈیری فارمنگ، ءُ طبی شعبہ ءِ تہا یکے دومی ءِ کمک ءِ بابت ءَ دستاویزات ءِ تبادلہ ھوار انت۔