وفاقی وزیر راجی مڈی ءُ دود ءُ ربیدگ اورنگزیب خان کھچی ءَ برطانیہ ءِ پیسریگیں ایم پی تسمینہ شیخ  ءَ گوں گند ءُ نند ءَ گوشت کہ حکومت درملک ءَ نندوکیں پاکستانی آناں وتی دود ءُ ربیدگ ءُ تہذیب ءَ چہ سرپد کنگ ءِ واستہ عملی گامگیج زورگ ءَ اِنت

اسلام آباد۔6فروری  (اے پی پی): راجی مڈٰی ءُ دود ءُ ربیدگ ءِ وفاقی وزیر اورنگزیب خان کھچی ءَ گوشت کہ حکومت درملک ءَ نندوکیں پاکستانی آناں وتی دود ءُ ربیدگ ءُ تہذیب ءِ بابت ءَ سرپد کنگ ءِ واستہ عملی گامگیج زورگ ءَ انت ءُ ایشی ءِ واستہ برطانیہ ءُ یورپ ءِ جتا جتائیں ملک آنی تہ ءَ دود ءُ ربیدگ ءِ ڈل آنی روان دیگ ءِ سر ءَ ھیال ءُ لیکہ کنگ ءَ انت۔ آئی ءَ اے ھیالانی درشانی پاکستانی نسل ءِ برطانیہ ءِ سیاستدان، البا پارٹی ءِ چیئرپرسن ءُ پیسریگیں ایم پی تسمینہ احمد شیخ ءَ گوں گند ءُ نند ءِ ساھت ءَ کت۔ گند ءُ نند ءَ پاک برطانیہ ءِ دود ءُ ربیدگی کمک ءِ دیمروئی، درملک ءَ نندوکیں پاکستانی آں وتی دود ءُ ربیدگی ورثہ ءَ گوں ہمگرنچ کنگ ءُ ھاسیں جیڈھ آنی سر ءَ حیال ءُ لیکہ آنی درشان کنگ ءِ واستہ نوکیں میڈیا ءِ کارمرد کنگ ءِ سر ءَ ھیال ریچی کنگ بوت۔ اے موہ ءِ سر ءَ راجی ورثہ ءُ دود ءُ ربیدگ ءِ وفاقی وزیر اورنگزیب خان کھچی  ءَ تسمینہ احمد شیخ ءَ را وش آتک کت ءُ گوشت کہ برطانیہ ءَ نندوکیں پاکستانی کمیونٹی ءِ نوکیں نسل ءَ را وتی تہذیب ءُ دود ءُ ربیدگ ءَ گوں ہمگرنچ کنگ وھد ءِ یک ھاسیں لوٹ جوڑ بوتگ، پرچا کہ درملک ءَ دیمروئی کنوکیں ورنا نسل وتی دود ءُ ربیدگ ءِ پجار ءُ دود ءُ ربیدگی ءِ بابت ءَ سرپد بوھگ لوٹ ایت۔ آئی ءَ گوشت کہ تسمینہ احمد شیخ ءِ پاکستان ءُ پاکستانی الس ءِ واستہ جوانیں سوچ ستا کرز انت۔ آئی ءَ گوشت کہ آئی ءِ وزارت ءِ تہ زالبول آناں ھاسیں ذمہ واری سپرد کنگ بوتگ ءُ آ دود ءُ ربیدگ ءِ دیمروئی ءِ واستہ جوانیں کرد پیلو کنگ ءَ انت۔ آئی ءَ دل یکیمی دات کہ وزارت برطانیہ ءُ یورپ ءَ نندوکیں پاکستانی آں وتی دود ءُ ربیدگ ءُ ازم ءَ گوں آشنا کنگ ءِ واستہ گامگیج برجاہ دار ایت۔ گند ءُ نند ءِ ساھت ءَ تسمینہ احمد شیخ ءَ گوشت کہ برطانیہ ءَ نندوکیں پاکستانی ھاسیں رنگ ءَ نوکیں نسل ءَ را وتی پت ءُ پیروکی وطن پاکستان ءِ تہذیب ءُ دود ءُ ربیدگ ءَ گوں آشنا کنگ ءِ واستہ عملی گامگیج آنی ضلورت اِنت۔ آئی ءَ گوشت کہ نوکیں نسل ءَ را آرٹ ءُ دود ءُ ربیدگ ءِ وسیلگ ءَ وتی جڑ آنی گوما ھمگرنچ کنگ بیت کنت وھدیکہ مسلمان ءِ بستار ءَ نوکیں نسل ءِ نیام ءَ یک روحانی سیادی یے ھم است انت کہ ایشی ءَ را گیش مھکم کنگ لوٹ ایت۔ آئی ءَ مصنوعی ذہانت ءِ ارزشت ءِ سر ءَ زور پر دات ءُ اے سوج دات کہ راجی دود ءُ ربیدگ ءُ ورثہ ءِ رکھینگ ءِ تہ ءَ اے آئی ءِ جوانیں کارمردی ءِ امکانات آنی چار ءُ تپاسی کنگ بہ بیت۔ تسمینہ احمد شیخ ءَ گوشت کہ پاکستان ءُ برطانیہ ءِ نیام ءَ وانگ ءُ زانگ ءِ ھواری ءَ دود ءُ ربیدگی کمک ءَ را دیمروئی دیگ ءِ موہ است انت، چیا کہ برطانیہ ءَ مزنیں پاکستانی کمیونٹی است انت۔ آئی ءَ گوشت کہ پاکستان ءِ دود ءُ ربیدگ ءِ جھان ءِ تک ءَ مزنیں ارزشت ءِ ھست ءُ چیا کہ آئی ءِ پت پاکستان ءَ گوں سیادی دار ایت پمیشکا آئی ءِ گوں پاکستان ءَ گہتریں جذباتی سیادی ھست ءُ آ ملک ءِ واستہ جوانیں کرد پیلو کنگ لوٹ ایت۔ اے موہ ءِ سر ءَ پارلیمانی سیکرٹری برائے دود ءُ ربیدگ فرح ناز اکبر ءَ گوشت کہ پاکستان ءَ دود ءُ ربیدگ ءِ دیمروئی ءِ واستہ بازیں گامگیج چست کنگ بوھگ ءَ انت ءُ وفاقی وزیر اورنگزیب خان کھچی ءِ سروکی ءَ راجی مڈّی ءِ رکھینگ ءُ سہرا کنگ ءِ واستہ مھکمیں کار کنگ بوھگ ءَ انت۔ آئی ءَ گوشت کہ ملک ءِ دود ءُ ربیدگ ءِ ادارگ آنی تہ ءَ ڈرامہ، نمائش، فلم ءُ موسیقی ءِ سر ءَ ھپتگی پروگرام برجم دارگ بوھگ ءَ انت۔ آئی ءَ سوج دات کہ پاکستان ءَ چہ ازمکارانی ڈل ءَ برطانیہ ءَ روان دیگ بہ بیت کہ آ اودا پاکستانی چاگرد ءَ را ملک ءِ دود ءُ ربیدگ ءَ گوں آشنا بہ کنت۔ تسمینہ احمد شخار ءَ اے تجویز ساڑات ءُ زوت ایشی ءِ سر ءَ عمل کنگ ءِ واھشت ءِ درشان کت۔ تسمینہ احمد شاکھر ءَ گوشت کہ برطانیہ ءِ حکومت پاکستانی دود ءُ ربیدگ ءِ دیمروئی ءِ واستہ ھمک رنگ ءَ کمک کت کنت ءُ برطانیہ ءَ نندوکیں پاکستانی آنی تہ ءَ گراس روٹ تک ءَ دود ءُ ربیدگی چست ءُ ایر آناں دیمروئی دیگ ءِ ضلورت اِنت۔ آئی ءَ گوشت کہ شاعری، فیشن، ڈرامہ ءُ موسیقی ءِ وسیلگ ءَ پاکستانی دود ءُ ربیدگ ءَ را جوانیں رنگ ءَ پدر کنگ بوت کنت۔ اے درگت ءَ فرح ناز اکبر ءَ دوئیں ملک آنی زھگاں یکجائی پروگرام آنی تہ ءَ یکجاہ کنگ ءِ ھم تجویز پیش کتگ۔ تسمینہ احمد شیخ  ءَ وزیر دود ءُ ربیدگ ءَ چہ اے ھم لوٹ کت کہ آ پاکستان ءَ چہ دود ءُ ربیدگ ءِ ڈل ءَ برطانیہ ءَ دعوت بہ دنت، ایشی ءِ واستہ ھمگرنچیں پلیٹ فارم ءِ وسیلگ ءَ باقاعدہ تجویز روان دیگ بیت۔ آئی ءَ پاکستانی ڈرامہ انڈسٹری ءِ کسہ جوڑ کنگ ءِ توانائی ءَ را ساڑات ءُ گوشت کہ پاکستانی ڈرامہ سرجمیں دگنیا ءَ راج دوست انت۔ آئی ءَ گوشت کہ کجام ھم ملک ءِ دیمروئی ءَ وزارت دود ءُ ربیدگ ءِ المی کرد انت ءُ پاکستان ءِ وزارت دود ءُ ربیدگ ءِ کوشست ستا کرز انت۔ گند ءُ نند ءَ تسمینہ احمد شیخ  ءَ پاکستان ءِ راجدپتر ءِ بنیاد ءَ تامر جوڑ کنگ ءِ واھشت ھم درشان کت تانکہ نوکیں پدریچ راجی راجدپتر ءَ سرپد کنگ بہ بیت۔