وزیراعظم محمد شہباز شریف نا اورکزئی و خیبرپختونخوا نا ضلع غاتیٹی فتنۃ الخوارج آتا برخلاف سرسہب آپریشن و 24 خارجی تے جہنمی کننگ آ سیکورٹی فورس آتے شاباشی

اسلام آباد۔ 06 فروری (اے پی پی) وزیراعظم محمد شہباز شریف اورکزئی و خیبرنا ضلع غاتیٹی فتنۃ الخوارج آتا برخلاف سرسہب آپریشن آ سیکورٹی فورس آتا آفیسر و کارندہ غاتا کسبی لائخی تا ستاءِ کرسا 24 خارجی تے جہنمی کننگ آ اوفتے شاباشی تسنے۔ جمعہ نادے آ پی ایم آفس نامیڈیا ونگ آن جاری بیان نا رداٹ وزیراعظم محمد شہباز شریف پارے کہ دہشت گردی ءِ ملک آن پورو چٹفنگ اسکان اونا برخلاف جنگ ءِ برجاتخنہ۔ وزیراعظم محمد شہباز شریف پارےکہ عزم استحکام نا ویژن نا رداٹ دہشت گرد آتا ناپاک عزم ءِ بے سہب کننگ نا بدل مفروک عزم اٹی کنتون اوار مچ آ تینا قوم سیکورٹی فورس آتون تفوک ءُ۔