کشت وکشار داسہ صوبائی باندات، بنجائی حکومت گچین بج آتا تیاری و پوسکن آکشاری ٹیکنالوجی نامون آدننگ کن کاریم کننگ ءِ، وزیر مملکت ڈاکٹر مختار احمد برتھ

اسلام آباد۔ 06 فروری (اے پی پی) وزیر مملکت جان جوڑی ڈاکٹر مختار احمد بھرتھ پارینے کہ کشت وکشار داسہ صوبائی باندات جوڑ مسنے ، ولے بنجائی حکومت گچین بج آتا تیاری و پوسکن آکشاری ٹیکنالوجی نا مون آدننگ آ کاریم کننگ ءِ، بروک آ ارٹ آن مسہ سال اٹی خولم تون اوار چندی اجناس آتا زیات پیدوار تروک بج تیار کننگک۔ داخیال آتا درشانی ءِ او جمعہ نادے آ سینیٹ دیوان اٹی سینیٹرز آتا سوج آتا ورندی ءِ ترساکرے۔ اوپارے کہ حکومت کشت وکشار اٹی کم دِیر انا کاریم اٹ اتنگ کن پوسکن آ ٹیکنالوجی درستی راستی کرفنگ ءِ، انتئے کہ ملک ءِ دِیر انا کمتی نا چیلنج مون تروک ءِ، دا چرجوئی ٹی چندی ڈٹ آتیاکاریم برجاءِ تانکہ دِیر اٹی زیات پیدوار دوئی کننگ مرے و بزغرآتا کٹیا ٹی ہم ودکی مرے۔ ڈاکٹر مختار احمد بھرتھ پارے کہ پاکستان برنج نا پیدوار نا رداٹ دنیا نا نہہ می بھلا ملک ءِ وخت اس کہ پنجاب اٹی کشاری ڈغار تا رکھ اکن گرین ایریہ غاتا پیدواری ءِ کرسا اوفتے لاک کننگانے ہراڑے ہچ ءُ ہنکینی کالونی اس جوڑ کننگ نا موکل مفک۔ اوپارے کہ کشاری بشخ اٹی نہاد آتا تعین نا نظام طلب ورسد نا اصول آتا رداٹ بایدے مرے تانکہ بزغرو صارف ہڑتوم آتے فائدہ ملنگ کے۔ اونا پاننگ ئس کہ گڑاس اجناس نا نہاد آتاکم مننگ آن الس ءِ ریلیف ملک، ولے دانظام ءِ کانودی و منظم وڑاٹ چلیفنگ المی ءِ۔ وزیر مملکت پارے کہ حکومتِ پنجاب و بنجائی ادارہ غاک پوسکن آکشاری ٹیکنالوجی درستی راستی کرفنگ کن اسیجائی وڑاٹ کاریم کننگ ءُ۔ اونا پاننگ ئس کہ پاکستان ایگریکلچرل ریسرچ کونسل و ایلو پٹ وپولی  چین نا ہند آتا کمک اٹ کرپاس، مکئی و ایلو فصل آتا پیدوار ءِ ودفنگ نا ڈٹ آتیاہم کاریم کننگ ءُ۔