سیکورٹی فورس آک خیبرپختونخواٹی2 جتا کارروائی تیٹی بھارتی پراکسی آن تعلق تخوک آ 24 خوارجی تے جہنمی کریر، آئی ایس پی آر

راولپنڈی۔ 06 فروری (اے پی پی) سیکورٹی فورس آک خیبرپختونخوا ٹی 2 جتا کارروائی تیٹی بھارتی پراکسی آن تعلق تخوک آ 24 خوارجی تے جہنمی کریر۔ آئی ایس پی آر نا رداٹ 4 و5 فروری 2026 آ خوارجی تا ساڑی گری نا حوال آ سیکورٹی فورس آک ضلع اورکزئی ٹی انٹیلی جنس آ تالان آپریشن کریر۔ آپریشن اٹی سیکورٹی فورس آک خوارج آتا ٹھکانہ غاتے گچین وڑاٹ شست کریر و اسہ ایلو آ ترند سم کاری آن پد 14 خوارج جہنمی مسر۔ سیکورٹی فورس آتا کنڈآن ارٹ میکو انٹیلی جنس آپریشن ضلع خیبر اٹی کننگا۔ داکارروائی ٹی ہم اسہ ایلو آ سم کاری ٹی پین 10 خوارج آتے جہنمی کننگا۔ علاقہ ٹی ساڑی پین بھارتی سرپرستی یافتہ خارجی تا چٹفنگ کن کلیئرنس آپریشن برجاءِ۔ نیشنل ایکشن پلان نا فیڈرل ایپکس کمیٹی نا منظور کروک وژن’’عزمِ استحکام‘‘ نا رداٹ سیکورٹی فورس و پاکستان نا کانود نافذ کروک آ ادارہ غاتا کنڈآن دہشت گردی نا برخلاف دا مہم پورو واک اتون برجاسلک تانکہ ملک آن درملکی امدادیافتہ دہشت گردی نا لعنت ءِ پورو وڑاٹ چٹفنگ مرے۔