وزارت دفاع ءَ کشمیر یکوئی ءِ روچ ءِ درگت ءَ جتاجتائیں مراگش ءِ برجم داشتگ

اسلام آباد۔ 5فروری(اے پی پی): وزارت دفاع ءَ کشمیر یکوئی ءِ روچ ءِ موہ ءَ جتا جتائیں مراگش برجم داشتگ اَنت ایشی ءِ مول ءُُ مراد کشمیری راج ءِ وت واجہی ءِ حق ءِ واستہ عادلانہ جہد ءِ واستہ پاکستان ءِ بے مٹیں کمک ءِ پدا پدر کنگ بوتگ۔ وفاقی وزیر دفاع خواجہ محمد آصف ءَ اے موہ ءِ سر ءَ وتی کلوہ ءِ تہ ءَ کشمیری راج ءِ وت واجہی ءِ ھک ءِ واستہ پاکستان ءِ عادلانہ جہد ءِ سر ءَ پاکستان ءِ مھکمیں عزم ءِ یک رندے پدا گوشت کہ پاکستانی راج وتی جائزیں جہد ءِ تہ ءَ وتی کشمیری برات آنی گوما شانہ ءِ سر ءَ اوشتاتگ۔ آئی ءَ اے گپ ءِ سر ءَ زور پر دات کہ جنوبی ایشیا ءَ دیریں امن جموں ءُ کشمیر ءِ جیڈھ ءِ انصاف ءِ گیواری ءِ سر ءَ بندوک اِنت کہ اے اقوام متحدہ ءِ سلامتی کونسل ءِ گیواری ءُ کشمیری الس ءِ واھشت آنی رد ءَ بہ بیت۔ مراگش آنی درگت ءَ وزارت دفاع ءِ نیمگ ءَ سیکرٹری دفاع لیفٹیننٹ جنرل محمد علی هلال امتیاز (ملٹری) (ریٹائرڈ) ءِ سروکی ءَ دو یکوئی ءِ واک ءِ برجم دارگ بوتگ۔ یک واک وزارت دفاع ءِ احاطہ ءِ اندر ءَ کنگ بوتگ، دومی واک کشمیر افیئرز ڈویژن ءِ نیمگ ءَ ڈی چوک ءَ بنجاہی جلسہ ءِ رد ءَ برجم دارگ بوتگ۔ وزارت دفاع ءِ افسر ءُ کارندہ آں کشمیری الس ءِ گوما یکوئی ءِ درشان کنگ ءُ آہانی قربانی آناں خراج تحسین پیش کنگ ءِ واستہ اے سیر آنی تہ ءَ بہر زرتگ ات۔ ایشی ءَ ابید کشمیر ءِ جیڈھ ءِ ھوالگ ءَ نودربر آنی تہ ءَ سرپدی پیداک کنگ ءِ واستہ سرجمیں ملک ءَ وفاقی حکومت ءِ ڈائریکٹوریٹ آنی نیمگ ءَ وفاقی حکومت ءِ اسکول آنی تہ ءَ مناظرہ ءُُ کوئز مقابلہ آنی برجم دارگ بوتگ کہ ایشی ءِ تہ ءَ کشمیر ءِ جیڈھ ءِ راجدپتری پسماندہ، کانودی جاور ءُُ انسانی تک ءُُ پہنات آنی سر ءَ چمشانک دیگ بوتگ۔ وزیر دفاع ءِ رہشونی ءَ سرجمیں ملک ءَ کینٹنمنٹ آنی تہ ءَ پمفلٹ ءُُ بینر آنی ایر کنگ ءِ ھم بندوبست کنگ بوت کہ ایشی ءِ تہ ءَ کشمیر یکوئی ءِ روچ ءِ ارزشت ءُ کشمیری راج ءِ وت واجہی ءِ حق ءِ واستہ پاکستان ءِ اصولی موقف ءِ سر ءَ چمشانک دیگ بوت۔ پاکستان اقوام متحدہ ءِ سلامتی کونسل ءِ ھمگرنچیں قرارداد ءُ کشمیری راج ءِ واھشت آنی رد ءَ کشمیری راج ءِ وتی وت واجھی ءِ ھک ءِ واستہ وتی سیاسی، اخلاقی ءُ سفارتی کمک ءَ را برجاہ دارگ ءِ وتی سیاسی، اخلاقی ءُ سفارتی کمک ءَ را برجاہ دارگ ءِ وتی جزم ءِ سر ءَ مھکم اِنت۔