ازبکستان ءِ صدر شوکت میرزیویف ءَ را مزن وزیر گس ءَ وش اتک کنگ بوت، مزن وزیر محمد شہباز شریف ءَ آئی ءَ را وش آتک کت، باقاعدہ استقبالیہ ءِ مراگش، سلاہ بندیں اُرد ءِ یک رژنائیں دستہ ءَ گارڈ آف آنر پیش کت

اسلام آباد۔ 5 فروری (اے پی پی): ازبکستان ءِ صدر شوکت میرزیویف ءَ را مزن وزیر گس ءَ وش آتک کنگ بوت، مزن وزیر محمد شہباز شریف ءَ شرپداریں مہمان ءِ وش آتک کت، دوئیں سروک آں گرمیں دست ءُُ دیم کت ءُُ وشیں گپ ءُُ تران کت۔ پنچ شمبے ءِ روچ ءَ ازبکستان ءِ صدر ءِ مزن وزیر گس ءَ سر بوھگ ءِ سر ءَ آئی ءِ شرپ ءَ باقاعدہ استقبالیہ مراگش برجم دارگ بوت۔ مراگش ءِ بنگیج ءَ دوئیں ملک آنی راجی سوت الہان ​​کنگ بوت انت۔ سلاہ بندیں اُرد ءِ یک رژنائیں دستے ءَ ازبکستان ءِ صدر ءَ را گارڈ آف آنر پیش کتگ۔ شوکت میرزیویف ءَ گارڈ آف آنر ءِ چار ءُ تپاس کتگ۔ مزن وزیر شہباز شریف ءَ کابینہ ءِ باسکاں ازبکستان ءِ صدر ءَ گوں پجار کتگ ءُ شوکت میرزیویوف ءَ وتی ڈل ءِ باسکاں مزن وزیر محمد شہباز شریف ءَ گوں پجار کتگ۔ شوکت میرزیویف ءِ ھمراھی ءَ مزن تک ءِ ڈل ھم پاکستان ءَ سر بوتگ ۔ دیوان ءِ تہ ءَ وفاقی کابینہ ءِ مزنیں وزیر ءُُ کاروباری مردم ھوار بنت۔ ازبکستان ءِ صدر صدر ءَ گوں گند ءُُ نند کنت ایشی ءِ تہ ءَ مزن وزیر ءِ گوما ڈل ءِ تک ءِ گپ ءُُ تران ءَ بھر زوری ھوار اِنت ءُُ پاک ازبکستان بزنس فورم ءَ ھم گشتانک دنت۔ اے موہ ءِ سر ءَ دو نیمگی سیادی آنی توامیں تک آنی سر ءَ چار ءُُ تپاسی کنگ بیت ءُ تجارت، توانائی، دفاع، وانگ ءُ زانگ، مردم آنی نیام ءَ رابطہ ءُُ دمگی سیادی ءَ ھوار جتا جتائیں شوبگ آنی تہ ءَ کمک ءَ را گیش دیمروئی دیگ ءِ واستہ نوکیں راہ آنی شوھاز کنگ بیت۔ اے ازبکستان ءِ صدر شوکت میرزیویف ءِ پاکستان ءِ دومی تر ءُُ تاب انت ایشی ءَ چہ پاکستان ءُُ ازبکستان ءِ نیام ءَ دو نیمگی سیادی ءُ دوئیں براتیں ملک آنی نیام ءَ براتی سیادی آنی تہ ءَ جوانیں پیشرفت ءِ درشان انت۔ اے سیادی ءِ بُن ھشت میان اُستمانی ءُ جنوبی ایشیا ءَ امن ءُ ایمنی ءِ ھاترا یکجائی راجدپتر، یکجائی ایمان ءُ یکجائی واھشتانی سر ءَ اِنت۔