کشمیر ءِ آجوئی ءِ ھاترا ھرچ حد ءَ روت، داں کشمیری آں وتی ھک دیگ مہ بنت، پاکستان کشمیر ءِ مول ءُ مراد ءِ ھاترا جنگ ءَ برجاہ دار ایت، ڈاکٹر طارق فضل چوہدری ءَ کشمیر یکوئی ءِ روچ ءِ مراگش ءَ گشتانک

اسلام آباد۔ 5فروری(اے پی پی): پارلیمانی کارانی وفاقی وزیر ڈاکٹر طارق فضل چوہدری ءَ گشتگ کہ ما کشمیر ءِ آجوئی ءِ ھاتر ءَ کجام حد ءَ رواں، پاکستان ءِ ہرچ بچک کشمیر ءِ ھاتر ءَ جنگ ءَ ساڑی انت، داں کشمیری آں وتی حق دیگ مہ بیت پاکستان کشمیر ءِ معاملہ ءَ جنگ ءَ برجاہ دار ایت۔ آئی ءَ گوشت کہ مرچی یک ھاسیں روچ اِنت کہ سرجمیں پاکستان ءَ کشمیر ءِ گوما یکوئی ءِ درشان کنگ ءِ واستہ برجم دارگ بوھگ ءَ اِنت، ما درست کشمیر ءِ آجوئی ءِ واستہ یکجا بوتگیں، وتی سیاسی ءُُ ایندگر وابستگی آناں چہ بُرز اِنت۔ پنچ شمبے ءِ روچ ءَ کشمیر یکوئی ءِ روچ ءِ مراگش ءَ گوں گشتانک دیان ءَ وفاقی وزیر ءَ گوشت کہ دگنیا ءَ کجا ھم پاکستانی است انت آ مرچی کشمیر ءِ توار چست کنگ ءَ انت، بھارت ءِ ظلم سرجمیں دگنیا ءِ دیم ءَ اتکگ، نوں وھد کم انت، کشمیر ءِ آجوئی نزیک انت۔ آئی ءَ گوشت کہ مرچی ھندوستان ءِ مقبوضہ جموں ءُ کشمیر ءَ گیر کانودی رنگ ءَ اِچ ادارگ ءُ میڈیا ءَ را اجازت دیگ نہ بیت، بھارت وتی ظلم ءُ زوراکی آناں مقبوضہ کشمیر ءِ تہ ءَ اندیم کنگ لوٹ ایت۔ ڈاکٹر طارق فضل چوہدری ءَ گیش گوشت کہ انچوش کہ 10مئی ءَ مارا سوبمندی رستگ گڈا ما اے کار ءَ دیم ءَ براں۔ آئی ءَ گوشت کہ انصاف ءِ جنگ ءَ کشمیر امور ءِ وفاقی وزیر انجینئر امیر مقام سرجمیں کشمیر ءَ گندگ بوتگ۔ ڈاکٹر طارق فضل چوہدری ءَ گوشت کہ اللہ تعالیٰ ءَ پاکستان ءَ را توانائی داتگ، ما دژمن ءِ دیمپانی ءُ دیم ءِ ٹُکّگ ءَ زانیں، ما کشمیر ءِ آجوئی ءِ واستہ ھرچ حد ءَ رو ایں، پاکستان ءِ ھر چُک کشمیر ءِ واستہ جنگ ءَ تیار اِنت، داں کشمیری آناں وتی ھک دیگ مہ بیت، پاکستان کشمیر ءِ جنگ ءَ برجاہ دار ایت۔