ہندوستان ءِ ظلم ءَ ابید ھم کشمیری آں گوں پاکستان ءُ اسلام ءَ مہر ءِ سیادی است انت ۔ یک روچے کشمیریانی جہد ءِ پائدگ الم ءَ رس ایت۔ کشمیر ءِ کار آنی وفاقی وزیر ءُ گلگت بلتستان ءِ انجینئر امیر مقام کشمیر یکوئی ءِ روچ ءِ بنجاہی مراگش ءَ گشتانک

اسلام آباد۔ 5فروری (اے پی پی): کشمیر ءِ امور ءِ وفاقی وزیر ءُ گلگت بلتستان ءِ انجینئر امیر مقام ءَ گشتگ کہ بھارت ءِ ظلم ءُ زوراکی ءَ ابید ھم کشمیری آں گوں پاکستان ءُ اسلام ءَ مہر ءِ سیادی است انت۔ یک روچے کشمیریانی جہد ءِ پائدگ الم ءَ رس ایت۔ کشمیر یکوئی ءِ روچ ءِ بنجاہی مراگش ءَ گوں گشتانک دیان ءَ وفاقی وزیر کشمیر ءِ کار ءَ توامیں مہمان ءُُ شریکیں مردمانی دل ءِ جہلانکی ءَ چہ شگر ءُُ منت گپت ءُُ گوشت کہ الس یک کلومیٹر ءِ واستہ سک باز جوزگ ءِ جاور ءَ انت۔ مرچی ءَ پیسر چشیں مراگش من نہ دیستگ۔ من ءَ مرچی تئی ھما ھسابیں جوش ءُ جزبگ ءِ گندگ ءَ سک باز وشی بوتگ۔ پنچ شمبے ءِ روچ ءَ ایوان ڈی چوک ءَ کشمیر یکوئی ءِ روچ ءِ مستریں مراگش ءَ گوں گشتانک دیان ءَ انجینئر امیر مقام ءَ گوشت کہ مرچی مزنیں کساس ءَ مردم جوزگ ءُ جزبگ ءَ گوں دراتکگ اَنت۔ اے جوش ءُ جزبگ ءَ گندگ ءَ اے گپ پدر انت کہ اے درست 10 مئی ءِ روح انت کہ 10 مئی ءَ فیلڈ مارشل سید عاصم منیر ، مزن وزیر محمد شہباز شریف ءُُ راجی سروکی ءِ دست ءَ بوتگ ات آئی ءَ گشتگ ات کہ 10 مئی ءَ ما یک دژمنے ءَ را ہلاس کتگ ات کہ آ چہ ءَ دہ رند ءَ مزن تر ات۔ آئی ءَ گوشت کہ الس آنی اے دریا کشمیری آں گوں یکوئی ءِ درشان کنگ ءَ اتکگ، مرچی مارا مظلومیں کشمیری آناں کلوہ دیگی اِنت کہ شما ایوک نہ اِت۔ وفاقی وزیر ءَ گوشت کہ جموں ءُ کشمیر ءَ مئے برات ءُ گھاراں سک باز نا انصافی برداشت کتگ، مئے برات شھید کنگ بوھگ ءَ اَنت، چنچو گہار بیواہ، یتیم ءُ بے لوگ بوتگ اَنت۔ آئی ءَ گوشت کہ بھارتی ظلم ءَ ابید ھم کشمیری آں گوں پاکستان ءُ اسلام ءَ مہر ءِ سیادی است انت ءُ یک روچے کشمیری آنی جہد ءُ کوشست المی رنگ ءَ آرگ ءَ انت۔ انجینئر امیر مقام ءَ گوشت کہ کشمیری راج سدک انت، توامیں حریات ءِ راہشون ءُُ سروکی ءَ را سلام پیش کناں۔ آئی ءَ گوشت کہ مرچی پاکستان ءِ ھمک دمگ ءَ مردم مزنیں کساسے ءَ دراتکگ اَنت۔ آئی ءَ گوشت کہ کشمیری الس ءِ کوشست یک روچے الّم ءَ پائدگ دینت، ھریات کانفرنس ءِ الس کشمیر ءِ ھاتر ءَ وتی گس ءَ چہ درکپگ ءَ چہ دگنیا ءَ را قربانی آنی یک دراجیں کسہ ءَ گوشگ ءَ انت۔ آئی ءَ وزارت کشمیر ءِ امور ءَ را مبارکی دات ءُ گوشت کہ مرچی سکیں مزنیں مراگش ءِ برجم داشتگ۔ انجینئر امیر مقام ءَ گیش گوشت کہ کشمیر ءِ جیڈھ مارا چو زنجیر ءَ بندوک کت کنت۔ آئی ءَ کشمیری راج ءَ را کلوہ دات کہ شما وتی جُہد ءِ تہ ءَ تہنا نہ اِت، پاکستان ءِ تہ ءُ ڈن ءَ نشتگیں ہر پاکستانی کشمیریانی کش ءَ اوشتاتگ۔ آئی ءَ گوشت کہ کشمیری اُلس ھپت دہائی ءَ چہ ھندی زلم ءُ زوراکی ءِ آماچ اِنت، مقبوضہ جموں ءُ کشمیر ءَ یک لکھ ءَ چہ گیش کشمیری شھید کنگ بوتگ اَنت، وھدیکہ ھزاراں کشمیری جیل آنی تہ ءَ شھید کنگ بوتگ اَنت، لاکھوں کشمیری آوار جنگ بوتگ اَنت۔ انجینئر امیر مقام ءَ گشتگ کہ دو سد ہزار ءَ چہ گیش کشمیریانی گس پُرشتگ انت بلے اے درستیں ظلم ءُ زوراکیاں پد ہم پاکستان ءِ مہر کشمیری مہلوک ءِ دلانی تہا زندگ انت۔ کشمیری آں قربانی داتگ بلے کدی سرنڈر نہ کتگ۔ انجینئر امیر مقام ءَ کشمیر یکوئی ءِ روچ ءَ کشمیری الس ءَ را دل یکیمی دات ءُُ گوشت کہ کشمیر ءَ را المی ءَ آجوئی رس ایت۔ کشمیر ءِ جیڈھ ھما زنجیر اِنت کہ سرجمیں پاکستان ءَ یکجاہ کنت۔ مرچی اے گپ ثابت بوتگ کہ سیاست ءَ وتی جاہ ءُ بستارے است، بلے کشمیر ءِ سرا سرجمیں راج یک انت۔ آئی ءَ گوشت کہ کشمیر یکوئی ءِ روچ ءَ وزارت کشمیر ءِ نیمگ ءَ جوانیں کارکردگی پیش بوتگ۔ سرجمیں پاکستان ءَ مراگش ءُ جلسہ آنی سر ءَ جوانیں نگرانی کنگ بوھگ ءَ اِنت ءُُ وانگ ءُُ زانگ ءِ ادارگ، سول سوسائٹی ءُُ سرکاری محکمہ آناں مراگش آنی تہ ءَ بھر زرتگ۔ انجینئر امیر مقام ءَ گوشت کہ کشمیر یکجہتی ءِ تہ ءَ زھگ، ورنا، استاد ءُ سرکاری کارندہ دیم ءَ انت۔ آئی ءَ گوشت کہ مزن وزیر محمد شہباز شریف آزات کشمیر مظفر آباد ءَ مستریں مراگش ءِ سروکی ءَ کنگ ءَ انت، وھدیکہ مظفر آباد ءَ نائب مزن وزیر، وفاقی وزیر ءُ سرجمیں سروکی ھم ساڑی انت۔