سینیٹ ءِ چیئرمین سید یوسف رضا گیلانی ءَ کمبوڈیا ءِ راجی اسمبلی ءِ صدر ءَ گوں گند ءُ نند کتگ، کثیر جہتی کمک ءُ وت مہ وتی سیادی ءِ دیمروئی ءِ جزم ءِ درشان

نوم پنہ. 5 فروری (اے پی پی): سینیٹ ءِ چیئرمین سید یوسف رضا گیلانی ءَ کمبوڈیا ءِ راجی اسمبلی ءِ صدر سامڈیچ مہاراتسافیتیکا تھیپادائی خوان سوداری ءَ گوں گند ءُُ نند کتگ ایشی ءِ تہ ءَ دوئیں ملک آنی نیام ءَ دوستی ءُ مھکمیں سیادی ءِ دیمروئی ءِ سر ءَ دوبر پدر کنگ بوتگ۔ سینیٹ سیکرٹریٹ ءِ رد ءَ چیئرمین سید یوسف رضا گیلانی ءَ پاکستان ءِ حکومت ءُ الس ءِ نیمگ ءَ کمبوڈیا ءِ راجی اسمبلی ءُ آئی ءِ سروکی ءَ گوں نیکیں واھگ ءُ نیک راھی ءِ درشان کتگ۔ آئی ءَ کمبوڈیا ءِ راجی اسمبلی ءِ اولی زالبولیں اسپیکر ءِ بستار ءَ گچین بوھگ ءِ سر ءَ خوان سوداری ءَ را مبارکی دات ءُُ ایشی ءَ را صنفی برابری ءُُ ھواریں سروکی ءِ دیمروئی ءِ تہ ءَ یک مزنیں سنگ میل ءِ گوشت۔ سید یوسف رضا گیلانی ءَ کمبوڈیا ءِ سروکی ءُ الس ءَ را چاگردی ءُ اقتصادی دیمروئی ءُ سیاسی برجائی ءِ پد ءَ مبارک بات دات ءُ گوشت کہ پاکستان ءُ کمبوڈیا ءِ سیادی وت مہ وتی شرپ ءُ ازت، یکجائی نپ ءُ کثیر نیمگی فورم آنی تہ ءَ نزیکیں کمک ءِ بنیات ءَ انت۔ آئی ءَ دمگی کمک ءُ پارلیمانی سفارتکاری ءِ تہ ءَ کمبوڈیا ءِ فعالیں کرد ءِ توسیپ کت ءُ اقوام متحدہ ءِ سلامتی کونسل (2025-26) ءِ باسک بوھگ ءِ واستہ وتی نامزدگی ءِ واستہ پاکستان ءِ حمایت ءِ منت گپت۔ پارلیمانی کمک ءِ سر ءَ زور پر دیان ءَ چیئرمین سینیٹ ءَ پارلیمانی دوستی گروپ، ادارگی گپ ءُ تران ءُ بین پارلیمانی فورم ھاسیں رنگ ءَ ایشیائی پارلیمانی اسمبلی ءِ وسیلگ ءَ سیادی ءَ را گیش مھکم کنگ ءِ پاکستان ءِ عزم ءِ یک رندے پدا گوشت۔ کمبوڈیا ءِ گوما وتی ذاتی سیادی ءِ حوالہ ءَ چیئرمین سینیٹ ءَ ایشیا پیسفک کمبوڈیا کانفرنس 2019 ءَ آئی ءِ بھر زوری، پیسریگیں مزن وزیر ہن سین ءِ گوما گند ءُُ نند، جولائی 2023 ءَ میاں اوستمانی گچین کاری ءِ نگدکار ءِ بستار ءَ کمبوڈیا ءِ تر ءُ تاب ءُ پاکستان ءِ میاں اوستمانی ستراتیژیک فورم ءِ رد ءَ سینئر قیادت ءِ گوما گند ءُُ نند ءِ بابت ءَ بیان کت۔ جنوب مشرقی ایشیا ءَ دیم داتگ۔ آئی ءَ نومبر 2025 ءَ اسلام آباد ءَ برجم دارگ بوھوکیں بین پارلیمانی اسپیکر کانفرنس ءَ را پارلیمانی سفارتکاری ءِ تہ ءَ راجدپتری گامگیج لیک اِتگ ءُُ آیوکیں وھد ءَ کانفرنس ءِ میزبانی ءَ کمبوڈیا ءِ بھر زوری ءُ دلگوشی ءِ سر ءَ ستا ءِ درشانی کتگ۔ گند ءُ نند ءِ تہ ءَ دوئیں نیمگاں تجارت، سرمایہ کاری، موسمی بدلی ءَ گوں گر ءُُ چیل بوھگ، دفاعی گپ ءُُ تران، مردم آنی نیام ءَ رابطہ ءُُ دود ءُُ ربیدگ ءِ سفارتکاری ءِ پڑ آنی تہ ءَ کمک ءَ را گیش کنگ ءِ سر ءَ تپاک کنگ بوتگ ءُُ گوشت کہ پاکستان ءِ گندھارا تہذیب ءِ بودھ میراث ءَ را ھم دود ءُُ ربیدگ ءِ یک ھاسیں وسیلگ ءِ رنگ ءَ بیان کنگ بوتگ۔ چیئرمین سینیٹ ءَ کمبوڈیا ءِ گوما دو نیمگی سیادی ءَ را گیش گہتر کنگ ءِ واستہ پاکستان ءِ مھکمیں عزم ءِ پدر کنگ ءَ امن، رابطہ ءُُ ھواریں دیمروئی ءِ واستہ مزن تک ءِ پارلیمانی رابطہ آنی برجاہ دارگ ءَ را المی لیک اتگ۔ اے موہ ءِ سر ءَ چیئرمین سینیٹ ءِ ھمراھی ءَ سینیٹر ڈاکٹر زرقا سہروردی تیمور، سینیٹر عابد شیر علی، سینیٹر زمیر حسین گھمرو ءُ چیئرمین سینیٹ ءِ مشیر ءُ سفیر مصباح کھر ءَ بین پارلیمانی اسپیکر کانفرنس ءَ ھوار بوتگ اَنت۔