کشمیر یکوئی ءِ روچ 2026 ءِ سر ءَ کانود ، انصاف ءُ انسانی ھک ءِ وفاقی وزیر سینیٹر اعظم نظیر تراڑ ءِ کلوہ

اسلام آباد۔ 5 فروری(اے پی پی): کشمیر یکوئی ءِ روچ 2026 ءِ موہ ءَ کانود، انصاف ءُُ انسانی حقانی وفاقی وزیر سینیٹر اعظم نظیر ترار ءَ وتی ھاسیں کلوہ ءِ تہ ءَ گوشت کہ کشمیر یکوئی ءِ روچ ءِ موہ ءَ ما پاکستان ءِ سرجمیں ءُُ بے مٹیں یکوئی ءِ یکوئی ءَ را پدا پدر کن ایں ۔ پہ وتی آجوئی، شرپ ءُ انسانی حقانی ھاترا جھد کن اَنت۔ وزارت انسانی حقانی نیمگ ءَ جاڑی بوتگیں بیان ءِ تہ ءَ آئی ءَ گوشت کہ کشمیری راج ءَ را دہائیاں چہ زلم ءُ زوراکی ءِ آماچ بوتگ بلے مروچی ھم ایشانی دلیری ءُ جزم مہکم انت۔ وفاقی وزیر ءَ گوشت کہ بھارتی ناجائزیں قبضہ ءِ چیر دستی ءَ جموں ءُ کشمیر ءِ الس بنیاتی ھک آنی تہ ءَ چہ زبھر کنگ بوتگ اَنت ءُ انسانی ھک آنی سنگینیں لگتمالی مزنیں کچے ءَ برجاہ اِنت۔ آئی ءَ گوشت کہ پاکستان ھمک میاں اوستمانی دیوان ءَ کشمیری آنی توار چست کنگ ءِ واستہ مُدام کوشست کنگ ءَ انت، آھانی جاور ھال آناں پدر کنگ ءُُ پرامن ءُ انصاف ءِ گیواری ءِ شوھازگ ءَ انت۔ اعظم نظیر ترار ءَ گوشت کہ وت واجئی ءِ ھک یک ناگزیریں بنیاتی ھک اِنت کہ اقوام متحدہ ءُُ میاں اوستمانی براتی ءَ من اِتگ، ھچ وڑیں زلم ءُُ زوراکی یک راج ءِ آجوئی ءِ جائزیں واھشت آناں پہ ابد ھلاس کنگ ءَ سوبمند نہ بیت۔ آئی ءَ چہ میاں اوستمانی براتی ءَ لوٹ کتگ کہ آ انصاف ءِ برجائی ءِ واستہ وتی جوانیں کرد ءَ پیلو بہ کنت ءُُ مظلومیں کشمیری اُلس ءِ ازیت ءِ ھلاسی ءِ واستہ عملی گامگیج بہ زوریت۔ کانود، انصاف ءُ انسانی حقانی وفاقی وزیر سینیٹر اعظم نظیر تراڑ ءَ گوشت کہ مرچی ما کشمیری راج ءِ قربانی آناں شرپ ءُ شان پیش کن ایں ءُ وعدہ کن ایں کہ پاکستان مدام، ھر ساھت ءُ ھر پڑ ءَ کشمیری راج ءِ ھمراھی ءَ اوشتات کنت، داں وھدے کہ آھانی ھک بحال کنگ بہ بنت، آھانی توار ءِ گوشدارگ بہ بیت.