کشمیری آناں وت واجہی ءِ حق دیگ دگنیا ءِ اولی ذمہ واری اِنت، کشمیر یکوئی ءِ روچ ءِ سر ءَ وفاقی وزیر مواصلات ءُ صدر آئی پی پی عبدالعلیم خان ءِ کلوہ

اسلام آباد۔ 5فروری(اے پی پی): کشمیر یکوئی ءِ روچ ءِ موہ ءَ وفاقی وزیر برائے مواصلات ءُ صدر آئی پی پی عبدالعلیم خان ءَ وتی ھاسیں کلوہ ءِ تہ ءَ گوشت کہ کشمیری آناں وت واجئی ءِ ھک دیگ دگنیا ءِ اولی ذمہ واری اِنت۔ مرچی پاکستان آرمی ، راجی ادارگ ءُ سرجمیں راج کشمیری آں گوں اوشتاتگ انت ۔ پنچ شمبے ءِ روچ ءَ وزارت مواصلات ءِ نیمگ ءَ جاڑی بوتگیں بیان ءِ تہ ءَ آئی ءَ گوشت کہ کشمیر ءِ دمگ ءِ آکبت ءِ پیسلہ ءَ کشمیری برات ءُُ گھار وتی دست ءَ کن اَنت۔ عبدالعلیم خان ءَ گوشت کہ 5 فروری ءَ پاکستانی راج ءِ کشمیری آں گوں یکوئی ءِ درشان راجی سوچ ءِ رد اِنت، آئی ءَ کدی غاصب بھارت ءِ قبضہ ءَ را من اِت نہ کتگ ءُُ نہ من ایت۔ وفاقی وزیر ءُ صدر آئی پی پی ءَ گیش گوشت کہ آ کشمیری آنی ھک آنی واستہ مدام وتی توار چست کنگ ءَ بوتگ اَنت، ءُ اقوام متحدہ ءِ قرارداد آنی رد ءَ کشمیر ءِ جیڈھ ءِ گیواری دمگ ءَ امن ءِ یکیں ضمانت اِنت۔ عبدالعلیم خان ءَ گوشت کہ مودی ءِ بد ءُ لالچی سوچ ءَ مدام دمگ ءَ را ناامنی ءِ آماچ کتگ، بغاوت پسندیں ھمساھگ ءَ گوازی ءِ میدان ءَ نفرت ءُ کرپشن ءِ بُن ھشت ایر کتگ۔ استحکام پاکستان پارٹی ءِ صدر عبدالعلیم خان ءَ گشتگ کہ پاکستان ءُ بنگلہ دیش ءَ ہندوستان ءَ آئینہ ءِ پیشدارگ ءِ ھاتر ءَ میچانی بائیکاٹ کتگ۔ وفاقی وزیر ءَ گوشت کہ مودی حکومت ءِ بے پیسلہ ءِ آسر ءَ دُگنیا ءَ تاوان دیگ ءَ اِنت۔ آئی ءَ گوشت کہ مرچی کشمیری آنی واستہ آواز چست کنگ ءُُ دعا کنگ ءِ روچ انت۔