اسلام آباد. 5فروری (اے پی پی): ازبکستان ءِ صدر شوکت میرزیوف پاکستان ءِ دو روچی تر ءُ تاب ءِ واستہ اسلام آباد ءَ شتگ۔ نورخان ائیر بیس ءَ سر بوھگ ءَ گوں صدر آصف علی زرداری ءُ مزن وزیر شہباز شریف ءَ ازبکستان ءِ صدر ءَ را گرمیں وش اتک کت۔ اے موہ ءِ سر ءَ وفاقی وزیر ءِ اھوالکاری ءُ شنگکاری عطا اللہ ترار ءُ مزن وزیر ءِ ھاسیں …
ازبکستان ءِ صدر شوکت میرزیویف پاکستان ءِ دو روچی تر ءُ تاب ءَ اسلام آباد ءَ سر بوتگ
گیشتریں ھال
اسلام آباد. 5فروری (اے پی پی): ازبکستان ءِ صدر شوکت میرزیوف پاکستان ءِ دو روچی تر ءُ تاب ءِ واستہ اسلام آباد ءَ شتگ۔ نورخان ائیر بیس ءَ سر بوھگ ءَ گوں صدر آصف علی زرداری ءُ مزن وزیر شہباز شریف ءَ ازبکستان ءِ صدر ءَ را گرمیں وش اتک کت۔ اے موہ ءِ سر ءَ وفاقی وزیر ءِ اھوالکاری ءُ شنگکاری عطا اللہ ترار ءُ مزن وزیر ءِ ھاسیں کمکار ھارون اختر خان ھم ساڑی ات۔ وھدے ازبکستان ءِ صدر ھاسیں بالی گراب ءَ چہ دراتک گڈا صدر آصف علی زرداری ءُ مزن وزیر محمد شہباز شریف ءَ آئی ءَ را وش آتک کت ءُ گوں گرمیں دست ءُ گلائیش کت ءُ آئی ءَ را بغل کت۔ آئی ءَ مزن وزیر ءِ گوما وشیں گپ ءُ تران ھم کت۔ شرپداریں مہمان ءَ را 21 بندوق ءِ سلامی دیگ بوت وھدیکہ روایتی ءُُ دود ءُُ ربیدگ ءِ پوشاک ءَ پوشیں زھگاں گلدستہ پیش کت۔ دوئیں ملک آنی راجی بیرک گوں کودکاں مزنیں مہمان ءَ را وش آتک کت۔ مزن وزیر ءَ شرپداریں مہمان ءَ را کابینہ ءِ باسک آں گوں پجار ھم کت۔
