مزن وزیر شہباز شریف ءَ قازقستان ءِ صدر قاسم جومارت توکایووف  ءَ گوں گند ءُ نند کتگ، سفارتکاری، معیشت، دفاع ءُ راج ءِ نیام ءَ سیادی ءِ پڑ ءَ کمک ءَ را گیش دیمروئی دیگ ءِ جزم ءِ  درشان

اسلام آباد۔4فروری  (اے پی پی): مزن وزیر محمد شہباز شریف ءُ قازقستان ءِ صدر قاسم جومارت توکایووف  ءَ دوئیں ملک آنی نیام ءَ سفارتکاری، معیشت، دفاع ءُ مردم آنی نیام ءَ سیادی ءِ پڑ ءَ کمک ءَ را گیش دیمروئی دیگ ءِ وتی جزم ءِ پدا پدر کتگ ءُ آیوکیں دو ارب ڈالر ءِ حجم ءَ را گیش کنگ ءِ سر ءَ تپاک کتگ۔ چار شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ جمہوریہ قازقستان ءِ صدر قاسم جومار توکایووف  ءَ مزن وزیر گس ءَ مزن وزیر محمد شہباز شریف ءَ گوں گند ءُ نند کتگ ءُ دو نیمگی گپ ءُ تران کتگ۔ مزن وزیر محمد شہباز شریف ءَ جمہوریہ قازقستان ءِ صدر کسیم جومارت توکایووف  ءَ را مزن وزیر گس ءَ سر بوھگ ءِ سر ءَ دلجمی ءَ گوں وش آتک کت۔ مہمان ءِ شرپ ءَ سرکاری استقبالیہ ءِ مراگش برجم دارگ بوت، صدر قاسم جومارت توکایووف  ءَ گارڈ آف آنر ءِ ہم چار ءُ تپاسی کت۔ دوئیں رہشون آنی یک پہ یک ءَ گند ءُ نند بوتگ ایشی ءِ تہ ءَ نائب مزن وزیر ءُ دری کارانی وزیر محمد اسحاق ڈار ءُ چیف آف آرمی اسٹاف ءُ چیف آف ڈیفنس فورسز فیلڈ مارشل سد عاصم منرا ھم ھوار بوتگ اَنت۔ ایشی ءَ پد دوئیں ملک آنی کابینہ ءِ کلیدی باسک آنی بھر زوری ءَ ڈل ءِ تک ءَ گپ ءُ تران بوت۔ ڈل ءِ تک ءَ گپ ءُ تران ءِ ساھت ءَ مزن وزیر ءَ صدر توکایووف  ءِ پاکستان ءِ تر ءُ تاب ءَ را پاکستان ءُ قازقستان ءِ دو نیمگی سیادی آنی تہ ءَ راجدپتری سنگ میل لیک اِتگ پرچا کہ اے 23سال آنی تہ ءَ قازقستان ءِ صدر ءِ پاکستان ءِ اولی تر ءُ تاب اِنت۔ دوئیں رہشون آں دو نیمگی کمک ءِ توامیں تک ءُ پھنات آنی سر ءَ چار ءُ تپاسی کت ءُ دو نیمگی سارک ءِ مشاورت ءُ یکجائی بین حکومتی کمیشن ءَ ھوار جوڑ بوتگیں ادارگی میکانزم ءِ کارکردگی ءِ سر ءَ دل یکیمی ءِ درشانی کت۔ آہاں سارسی، اقتصادی، دفاعی ءُ مردم آنی نیام ءَ رابطہ آنی شوبگ آنی تہ ءَ پاکستان ءُ قازقستان ءِ کمک ءَ را گیش دیمروئی دیگ ءِ وتی جزم ءِ یک رندے پدا گوشت۔ مزن وزیر ءَ گوستگیں سال آنی تہ ءَ دو نیمگی تجارت ءِ تہ ءَ کم کم ءَ گیشی ءِ سر ءَ زور پر دات ءُ ایشی ءِ کم کارمرد بوتگیں توان ءَ را سرجمی ءَ کارمرد کنگ ءِ ضلورت ءِ سر ءَ زور پر دات۔ آیوکیں دو سال آنی تہ ءَ دو نیمگی تجارت ءَ را یک ارب ڈالر ءَ سر کنگ ءِ سر ءَ دوئیں نیمگ ءَ تپاک کنگ بوتگ۔ اے گپ ءِ سر ءَ ھم تپاک کنگ بوت کہ دوئیں ملک آنی نجی شوبگ آنی نیام ءَ گیشیں کمک ءَ چہ تجارتی ءُ سرمایہ کاری سیادی آناں دیمروئی دیگ ءِ تہ ءَ کلیدی کرد پیلو بیت۔ اے درگت ءَ من پاکستان ءُ قازقستان بزنس فورم ءِ برجم دارگ ءَ را یک جوانیں گامگیج ءِ رنگ ءَ گشگ لوٹاں۔ دوئیں رہشون آناں دمگی رابطہ ءُ ٹرانسپورٹ ءِ نظام ءَ را دیمروئی دیگ ءِ واستہ دمگی کمک ءِ ضلورت ءِ سر ءَ ھم زور پر دات، ایشی ءِ تہ ءَ سڑک، ریل، ھوائی ءُ دریائی کمک ھوار اِنت۔ دوئیں نیمگ ءَ ٹرانزٹ تجارتی بندوبست ءُ دمگی راہداری آناں اقتصادی یکوئی ءُ مشترکہ وشھالی ءِ دیمروئی ءِ واستہ المی لیک اتگ۔ دوئیں بامرد آنی نیام ءَ وانگ ءُ زانگ، دود ءُ ربیدگ، سیل ءُ سواد ءُ توانائی ءِ شوبگ ءَ کمک ءِ ھوالگ ءَ ھم ھیال ءُ لیکہ آنی درشان کنگ بوتگ ءُ دراجیں مدتی دو نیمگی سیادی آناں مھکم کنگ ءِ واستہ وانگ ءُ زانگ، تبادلہ ءُ مردم آنی نیام ءَ رابطہ ءِ ارزشت ءَ را من اِتگ۔ پاکستان ءُ قزاقستان ءِ سیادی ءَ را گیش گیش کنگ ءِ واستہ وتی جزم ءِ پدر کنگ ءَ دوئیں رہشوناں دل یکیمی ءِ درشانی کت کہ اے تر ءُ تاب ءِ آسر آنی تہ ءَ 37 مفاہمت نامہ ءُ معاہدہ آنی سر ءَ دستخط کنگ ءُ دوئیں رہشون آنی نیمگ ءَ چہ ’’اسٹریٹجک پارٹنر شپ‘‘ ءِ سر ءَ یکجائی جار ءِ سر ءَ دستخط کنگ ھوار اِنت، کمک ءِ واستہ نوکیں موہ پچ بنت۔ صدر قاسم جومار توکایووف  ءَ مزن وزیر شہباز شریف ءِ گرمیں مہمان داری ءِ سرا شگر ءُ منت گپت۔ آئی ءَ مزن وزیر ءَ را اے سال ءَ موزوں وھد ءَ قازقستان ءِ تر ءُ تاب ءِ دعوت ھم دات۔ مزن وزیر ءَ دعوت ءِ سر ءَ صدر توکایووف  ءِ منت گپت ءُ دمگی امن، رابطہ ءُ دیمروئی ءِ واستہ قازقستان ءِ گوما کمک ءَ را برجاہ دارگ ءِ پاکستان ءِ واھشت ءِ پدا زور دات۔ دوئیں رہشون آں آیوکیں پنچ سال آنی تہ ءَ دو نیمگی بیپاری ءُ اقتصادی کمک ءَ را دیمروئی دیگ ءِ واستہ یک سرجمیں روڈ میپ ءِ تیاری ءِ واستہ مزنیں وزیر ءُ سیادی داروکیں کارندہ آنی سر ءَ یک ورکنگ کمیٹی ءِ جوڑ کنگ ءِ سر ءَ تپاک کت۔