پولیو ءِ ھلاسی ءِ واستہ مزن وزیر ءِ فوکل پرسن عائشہ رضا فاروق ءَ چیف سیکرٹری خیبر پختونخوا ءَ گوں گند ءُ نند کتگ، صوبگ ءَ اے نادراہی ءِ ھلاسی ءِ واستہ برجاھیں گامگیج ءُ حکمت عملی آنی سر ءَ چار ءُ تپاسی

پشاور۔4فروری  (اے پی پی): پولیو ءِ ھلاسی ءِ واستہ مزن وزیر محمد شہباز شریف ءِ فوکل پرسن عائشہ رضا فاروق ءَ چیف سیکرٹری خیبر پختونخوا شہاب علی شاہ ءُ سیکرٹری ہیلتھ شاہد اللہ ءَ گوں گند ءُ نند کتگ ءُ پولیو ءِ ھلاسی ءِ واستہ برجاھیں گامگیج ءُ حکمت عملی ءِ چار ءُ تپاسی کتگ۔ نیشنل ایمرجنسی آپریشن سینٹر ءِ نیمگ ءَ جاڑی بوتگیں بیان ءِ رد ءَ گند ءُ نند ءَ خیبر پختونخوا ءِ سرجمیں پولیو ءِ جاور ھال، استیں مہم ءِ دیمروئی ءُ گوستگیں وھد ءَ پشت کپتگیں مشکلیں رسائی ءُ دمگ آنی سر ءَ دلگوشی دیگ بوتگ وھدیکہ موسم ءِ سبب ءَ دیم ءَ آؤکیں آپریشنل چیلنج آنی سر ءَ ھم گپ ءُ تران کنگ بوتگ۔ روٹین ایمونائزیشن ءَ را گہتر کنگ، ای پی آئی ءُ پی ای آئی ءِ یکجاھی ءَ را مھکم کنگ ءُ جنوبی خیبر پختونخوا ءَ یکجاھیں سروس ءِ ترسیل ءِ وسیلگ ءَ بوتگیں سوبمندی آناں گیش مھکم کنگ ءِ سر ءَ زور دیگ بوتگ۔ اے موہ ءِ سر ءَ خیبر پختونخوا ءَ چہ پولیو ءِ سرجمیں ھلاسی ءِ واستہ یکجاھیں کار کنگ ءِ جزم ءِ پدا پدر کنگ بوت۔