کینسر یک جھان ءِ چیلنج اِنت، اے نادراھی ءَ گوں جوانیں درمان ءُ رکّینگ ءِ گامگیجاں چہ رکّینگ بیت کنت، اسپیکر راجی اسمبلی

اسلام آباد۔4فروری  (اے پی پی): راجی اسمبلی ءِ اسپیکر سردار ایاز صادق ءَ گوشت کہ کینسر جھان ءِ چیلنج انت، کینسر ءِ وڑیں نادراھی ءَ را جوانیں علاج ءُ گر ءُ دار ءِ گامگیج آنی گوما گر ءُ دار کنگ بوت کنت۔ اے سال ءِ کینسر ءِ جھان ءِ روچ ءِ بنگپ ”منفرد ءِ نیمگ ءَ یکجاہ“ ، ھر کینسر ءِ نادراہ ءِ منفردیں جُھد ءِ درشان اِنت۔ اے ھیالانی درشانی آئی ءَ کینسر ءِ جھان ءِ روچ ءِ درگت ءَ وتی کلوہ ءِ تہ ءَ کت۔ آئی ءَ گوشت کہ پارلیمنٹ کینسر ءِ نادراہ آنی علاج ءِ آسراتی ءَ را دل یکیمی کنگ ءُ جان سلامتی ءِ نظام ءَ را یکجا کنگ ءِ واستہ جزمیگ انت۔ ایچ پی وی ویکسین ءِ راجی مہم گریوا ءِ کینسر ءِ گر ءُ دار ءِ ھاتر ءَ حکومت ءِ یک راجدپتری گامگیج اِنت ءُ 9 ءَ بگر داں 14 سال ءِ جنک آناں ایچ پی وی ویکسین ءِ مفت ءِ داتگیں گامگیج یک ستا کرزیں گامگیج اِنت۔ قومی اسمبلی ءِ اسپیکر سردار ایاز صادق ءَ گوشت کہ لاہور ءَ جدید کو ابلیٹیو کینسر ٹریٹمنٹ سنٹر ءِ جوڑ کنگ یک ھاسیں سنگ ءِ، جان سلامتی ءِ زندمان ءِ رہبند ءُ باقاعدہ میڈیکل چیک اپ کینسر ءِ گر ءُ دار ءَ کارآمد انت۔ آئی ءَ گوشت کہ کینسر ءِ نادراہ آنی گوما ھمدردی ءُ جوانیں رویہ ءِ دارگ چاگردی ذمہ واری انت۔ کینسر ءِ ھلاپ ءَ جنگ ءَ را سوبمند بوھگ ءِ ھاترا کینسر ءِ بابت ءَ سرپدی ءُ طبی آسراتی ءِ رسگ المی اِنت۔