آئی ٹی ءُ ٹیلی کام ءِ وفاقی وزیر شازہ فاطمہ خواجہ یک روچی سرکاری تر ءُ تاب ءَ کویت ءَ سر بوتگ

اسلام آباد۔4فروری  (اے پی پی): آئی ٹی ءُ ٹیلی کام ءِ وفاقی وزیر شازہ فاطمہ خواجہ یک روچی سرکاری تر ءُ تاب ءِ واستہ کویت ءَ سر بوتگ ایشی ءِ تہ ءَ آ ڈیجیٹل کوآپریشن آرگنائزیشن ءِ پنچمی جنرل اسمبلی ءَ پاکستان ءِ نمائندگی کنت ءُ باسکیں ملک ءُ جھان ءِ سروکی ءِ وزیر آنی گوما مزن تک ءِ گند ءُ نند کنت۔ شازہ فاطمہ خواجہ ڈی سی او جنرل اسمبلی ءِ بنگیجی دیوان ءَ ھم گشتانک دنت۔ آئی ٹی ءِ وزیر ڈی سی او ءِ تھیمیٹک وزارتی گول میز ءَ بہر زوریت ایشی ءِ تہ ءَ باسکیں ملک آنی وزیر آنی گوما مصنوعی ذہانت، ڈیجیٹل دیمروئی ءُ ایشی ءَ گوں سیادی داروکیں رسک آنی بابت ءَ گپ ءُ تران کنگ بیت۔ اے موہ ءِ سر ءَ آ گلوبل پالیسی ساز آنی گوما ھم گند ءُ نند کنت۔ ڈی سی او ءِ صدارت ءِ پاکستان ءِ حوالہ کنگ ءِ موہ ءَ وفاقی وزیر ءِ تنظیم ءِ مزنیں سروکی ءَ گوں گند ءُ نند ءِ امیت انت، وھدیکہ تنظیم ءِ سیکرٹری جنرل دیما الیحیٰ ءَ گوں گند ءُ نند ءِ جار ہم جنگ بوتگ۔ تر ءُ تاب ءِ ساھت ءَ وفاقی وزیر ءِ سعودی عرب ءِ وزیر ءِ رابطہ ءُ انفارمیشن ٹیکنالوجی، کینیا ءِ انفارمیشن، مواصلات ءُ ڈیجیٹل معیشت ءِ وزیر، روانڈا ءِ نوآبادیاتی ءُ آئی سی ٹی ءِ وزیر ءِ مملکت، ڈیجیٹل دیمروئی ءُ ٹرانسپورٹ ءِ معاون وزیر ءِ گوما دو نیمگی گند ءُ نند ءِ ھم امیت انت۔  وفاقی وزیر ڈی سی او جنرل اسمبلی ءِ موہ ءَ برجم داشتگیں سرکاری نان ءِ ورگ ءُ کویت ءِ میزبانی ءَ بوتگیں وزارتی دیوان ءَ ہم بہر زوریت، اودا آ میاں اوستمانی نمائندگ ءُ سروکی ءَ گوں گند ءُ نند کنت۔