بلوچستان ءِ سر وزیر میر سرفراز بگٹی ورناہاں شرپداریں روزگار ءِ پجارینگ ءِ واستہ صوبائی حکومت عملی گامگیج زورگ ءَ انت

کوئٹہ۔ 04 فروری (اے پی پی): بلوچستان ءِ سر وزیر میر سرفراز بگٹی ءَ گشتگ صوبہی حکومت ورنا آناں شریں روزگار ءِ پجارینگ ءِ ھاتر ءَ عملی گامگیج زورگ ءَ انت۔ سوشل نیٹ ورک ایکس ءِ سر ءَ بنجاھی وزیر ءَ گوشت کہ اے درگت ءَ گریڈ یک ءَ چہ گریڈ 15 ءَ چہ گیش 25 ہزار ءَ چہ گیش سرکاری جاگہ ​​آنی اشتہار جاڑی کنگ بوتگ۔ اے گامگیج آنی مول ءُ مراد صوبہ ءِ ورنا آناں میرٹ ءِ بنیاد ءَ روزگار ءِ موہ پجاری کنگ ءُ جوانیں حکومت داری ءِ اصول آناں مھکم کنگ اِنت۔ گریڈ 16 ءُ گریڈ 17 ءِ چارہزار خالی پوسٹانی سمری باقاعدہ بلوچستان پبلک سروس کمیشن ءَ دیم دیگ بوتگ تانکہ بھرتی ءِ عمل یک شفاف ءُ منصفانہ ءُ آئینی طریقہ کار ءِ رد ءَ سرجم کنگ بہ بیت۔ آئی ءَ گوشت کہ ھما محکمہ آنی تہ ءَ ٹیسٹ ءُ انٹرویو ءِ مرحلہ سرجم بوتگ آ زوتاں چہ زوت اپوائنٹمنٹ آرڈر جاری کنگ بنت تانکہ امیدوار آناں گیش ودار کنگ مہ بیت۔ میر سرفراز بگٹی ءَ اے گپ ءِ پدرائی کت کہ دگہ محکمہ آنی ھالیگیں پوسٹ آنی واستہ محکمہ خزانہ ءِ لیکہ ءِ سر ءَ آن لائن ٹیسٹنگ سسٹم ءِ بندات کنگ بیت، ایشی ءِ چیر دستی ءَ بھرتی خالص میرٹ ءِ بنیاد ءَ کنگ بیت۔ آئی ءَ گوشت کہ شفاف ءُ میرٹ ءِ بنیاد ءَ بھرتی گڈ گورننس ءِ بنیات اِنت ءُ صوبائی حکومت اے رھبند ءِ سر ءَ ھچ وڑیں سمجھوتہ نہ کنت۔ بلوچستان ءِ سر وزیر ءَ دو گپ ءَ گشتگ کہ من وتی وعدہ ءِ سرا پابند آں ءُ بلوچستان ءِ مہلوک ءِ ہچ نوکری ءَ بہا کنگ ءِ موہ نہ بیت۔ آئی ءَ گوشت کہ حکومت کس ءَ را ورنا آنی آیوکیں باندات ءَ گوں لیب کنگ ءِ موہ نہ دنت ءُ ہر اہلیں اُمیت وار ءَ را میرٹ ءِ سر ءَ آئی ءِ حق دیگ بیت۔