کینیڈا ءِ ہائی کمشنر ءَ وفاقی کانود ءِ وزیر ءَ گوں گند ءُ نند کتگ، عدالتی اصلاحات ءِ تہا کمک ءَ را گیش مھکم کنگ ءِ سرا تپاک

اسلام آباد۔4فروری  (اے پی پی): کینیڈا ءِ ہائی کمشنر طارق علی خان ءَ گوں وفاقی وزیر ءِ کانود ءُ انصاف ءِ سینیٹر اعظم نظیر ترار ءَ گوں گند ءُ نند کت، ایشی ءِ تہ ءَ عدالتی اصلاحات، کانود ءِ نظام ءِ گہتری ءُ ادارگی کمک ءِ دیمروئی ءِ ھوالگ ءَ سرجمیں گپ ءُ تران کنگ بوت۔ گند ءُ نند ءِ تہ ءَ کینیڈا ءِ حکومت ءِ کمک ءَ فیڈرل جوڈیشل اکیڈمی ءَ کنگ بوھوکیں جوڈیشل ٹریننگ پروگرام آنی سر ءَ ھم گپ ءُ تران کنگ بوت۔ اے پروگرام ہائی کمیشن آف کینیڈا ءُ موساوی ءِ کمک ءَ برجم دارگ بوھگ ءَ انت کہ ایشی ءِ مول ءُ مراد جج آنی پیشہ وارانہ مہارت ءَ را گیش کنگ، نوکیں عدالتی رجحان آنی بابت ءَ سرپد کنگ ءُ میاں اوستمانی قانونی کمک ءَ را گیش کنگ انت۔ وفاقی کانود ءِ وزیر ءَ پاکستان ءِ انصاف ءِ نظام ءِ مھکم کنگ ءِ واستہ کینیڈا ءِ کمک ءَ را ساڑات ءُ گوشت کہ حکومت نزور ءُ محرومیں تک آنی واستہ انصاف ءِ رسائی ءَ را دل یکیمی کنگ ءِ واستہ عملی گامگیج کنگ ءَ انت۔ آئی ءَ گوشت کہ گریبیں قیدی ءُ نابالغیں بندیگ آناں آسراتی ءِ واستہ پائلٹ پروجیکٹ ءِ بندات کنگ بوھگ ءَ اِنت، ایشی ءِ بندات اسلام آباد ءُ راولپنڈی ءَ چہ بیت۔ اے موہ ءِ سر ءَ وفاقی سیکرٹری کانود ءُ انصاف ءَ کیس مینجمنٹ سسٹم ءُ پاکستان کوڈ ءِ وسیلگ ءَ کانود آنی ڈیجیٹل کنگ ءِ ھوالگ ءَ برجاھیں پیشرفت ءِ بابت ءَ سرپد کت۔ آئی ءَ گوشت کہ کانود ءِ مواد ءِ ڈیجیٹل دستیابی شفاف، کارآمد ءُ نوکیں انصاف ءِ نظام ءِ برجائی ءِ نیمگ ءَ یک ھاسیں گامگیج اِنت۔ گند ءُ نند وشیں چاگرد ءَ بوتگ کہ ایشی ءِ تہ ءَ دوئیں نیمگاں عدالتی تربیت، کانود ءِ اصلاحات ءُ وت مہ وتی کمک ءَ را گیش ءُ گیوار کنگ ءِ ھاترا وتی جزم ءِ پدر کنگ بوتگ۔