وفاقی وزیر برائے تجارت ءَ قازقستان ءِ ہم منصب ءَ گوں گند ءُ نند کتگ، دوئیں ملک آنی نیام ءَ تجارت، رابطہ ءُ سرمایہ کاری ءِ تہ ءَ کمک ءَ را گیش کنگ ءِ سر ءَ تپاک کتگ

اسلام آباد۔4فروری  (اے پی پی): وزارت تجارت ءَ وفاقی وزیر تجارت جام کمال خان ءَ گوں قزاقستان ءِ تجارت ءُ یکجاھی ءِ وزیر ارمان شکالیف ءَ گوں گند ءُ نند کت۔ گند ءُ نند ءَ دو نیمگی تجارت ءِ استیں جاور ھال آنی سر ءَ چار ءُ تپاسی کنگ بوت ءُ اقتصادی کمک، رابطہ ءُ سرمایہ کاری ءَ را گیش کنگ ءِ ٹھوس راہ آنی پٹ ءُ پول کنگ بوت۔ گند ءُ نند ءَ پاکستان ءُ میاں اوستمانی ایشیا ءِ نیام ءَ رابطہ ءِ جیڈھ آنی گیواری ءُ دوئیں ملک آنی نیام ءَ سرجمیں تجارتی گنجائش آناں پچ کنگ ءِ واستہ عملی گیواری ءِ سر ءَ ھیال ریچی کنگ بوت۔ فریق آناں اے گپ ءِ سر ءَ تپاک کت کہ پاکستان ءُ قازقستان ءِ نیام ءَ بیپار ءِ مھکم کنگ ءُ پائیدار، دراجیں مدتی اقتصادی سیادی ءِ ھاترا گہتریں ریل، سڑک ءُ کثیر موڈل رابطہ کاری بنیاتی اِنت۔ قازقستان ءِ وزیر ءَ مزنیں انفراسٹرکچر منصوبگ آنی دیمروئی ءِ اسٹریٹجک ارزشت ءِ سر ءَ زور پر دات، ھاسیں رنگ ءَ ریلوے ءُ سڑک ءِ راہداری آنی تہ ءَ ایشی ءَ چہ روزگار ءِ موہ پیداک کنگ ءُ دمگی سپلائی چین آنی کمک ءِ واستہ نزیک ءَ 5ارب امریکی ڈالر ءِ تجارتی ءُ سرمایہ کاری ءِ روانی پیداک کنگ بوت کنت۔ آئی ءَ قازقستان ءِ وژن ءِ سر ءَ زور پر دات کہ آ یک دمگی مرکز جوڑ بہ بیت کہ آ میاں اوستمانی ایشیا ءَ را جنوبی ایشیا، چین، یورپ ءُ گلوبل ساؤتھ ءَ گوں ھمگرنچ بہ کنت، ایشی ءِ تہ ءَ پاکستان ءِ بندرگاہ ھم ھوار اَنت۔ وفاقی وزیر جام کمال خان ءَ دمگی ءُ جیو پولیٹیکل چیلنج آناں منگ ءِ وھد ءَ آئی ءَ اوگانستان ءِ وسیلگ ءَ میاں اوستمانی ایشیا ءِ گوما براہ راست رابطہ ءَ را گیش کنگ ءِ واستہ پاکستان ءِ واھشت ءِ درشان کت۔ آئی ءَ گوشت کہ گہتریں ٹرانزٹ روٹ آنی تہ ءَ نہ ایوک ءَ پاکستان ءُ قازقستان ءَ را نپ رسیت بلکینگ ءَ دمگی ءُ جھان ءِ تجارت ءِ واستہ ھم مزنیں موہ پچ بنت ایشی ءِ تہ ءَ پاکستانی بندرگاہ آنی وسیلگ ءَ افریقی ءُ آسیان مارکیٹ آناں سر بوھگ ھم ھوار اِنت۔ دوئیں وزیر آنی نیام ءَ کشت ءُ کشاری ءُ فوڈ سیکیورٹی، فارماسیوٹیکل، ٹیکسٹائل، اسپورٹس سامان، چمڑی ءِ چیز، کان کنی ءُ معدنیات، توانائی ءُ بنیاتی ڈھانچہ ءِ دیمروئی ءَ ھوار اولویت ءِ شوبگ آنی تہ ءَ کمک ءِ سر ءَ تران کت۔ قازقستان ءِ نیمگ ءَ یکجائی منصوبگ آنی تہ ءَ ھاسیں رنگ ءَ فوڈ پروسیسنگ، زرعی ویلیو چین ءُ دوائی آنی پڑ آنی تہ ءَ دلگوشی ءِ درشانی کتگ وھدیکہ پاکستان ءَ پاکستان ءِ سرمایہ کاری ءِ آسراتی ءِ فریم ورک ءِ چیر دستی ءَ کان کنی، معدنیات ءُ زرعی بنیات ءِ صنعت آنی تہ ءَ سرمایہ کاری ءِ دعوت داتگ۔ دیوان ءَ کاروبار ءَ چہ کاروبار ءِ ھوار بوھگ ءِ ضلورت ءِ سر ءَ ھم چار ءُ تپاسی کنگ بوت۔ دوئیں نیمگاں اے گپ ءِ سر ءَ تپاک کت کہ تجارت ءِ دیمروئی ءِ ادارگ آناں کاروبار آناں یکجا کنگ ، مارکیٹ انٹیلی جنس ءِ بھر ءُ بانگ ءُ ریگولیٹری رکاوٹ جوڑ کنگ ءَ ابید میچ میکنگ ءِ کمک ءَ را آسراتی ءِ کرد پیلو کنگ لوٹ ایت۔ اے درگت ءَ یک فریم ورک دستاویز ءِ گڈی رنگ ءَ کار کنگ ءِ سر ءَ تپاک کنگ بوت کہ ایشی ءِ تہ ءَ اولویت ءِ شوبگ، تجارتی ٹارگٹ ءُ کار آنی روڈ میپ ءِ رد ءَ کار کنگ بہ بیت، ایشی ءِ تہ ءَ تجارتی مشن، نمائش ءُ ڈل آنی تبادلہ ھوار اِنت۔