قازقستان ءِ صدر قاسم جومارت توکایووف  ءَ را مزن وزیر گس ءَ وش آتک کنگ بوت، گارڈ آف آنر پیش  کنگ بوت

اسلام آباد۔4فروری  (اے پی پی): قازقستان ءِ صدر قاسم جومارت توکایووف  ءَ را مزن وزیر گس ءَ وش آتک کنگ بوت۔ مزن وزیر محمد شہباز شریف ءَ مزنیں مہمان ءَ را وش اتک کت۔ دوئیں رہشوناں گرمیں دست ءُ دیم کت ءُ وشیں گپ ءُ تران کت۔ چار شمبے ءِ روچ ءَ قازقستان ءِ صدر ءِ مزن وزیر گس ءَ سر بوھگ ءِ پد ءَ آئی ءِ شرپ ءَ باقاعدہ استقبالیہ مراگش برجم دارگ بوت۔ مسلح افواج ءِ آرائشی دستہ ءَ آئی ءَ را گارڈ آف آنر پیش کتگ۔ کاسم جومارت توکایووف  ءَ گارڈ آف آنر ءِ چار ءُ تپاس کتگ۔ اے موہ ئَ دوئیں ملک آنی راجی سوت ھم الہان ​​کنگ بوت۔ قازقستان ءِ صدر ءَ وتی ڈل ءِ باسکاں مزن وزیر محمد شہباز شریف ءَ گوں پجار کت انت وھدیکہ مزن وزیر شہباز شریف ءَ کابینہ ءِ باسکاں قازقستان ءِ صدر ءَ گوں پجار کت۔ کاسم جومارت توکایووف  ءَ مزن وزیر ءِ گس ءِ احاطہ ءَ یک پودے ءِ ہم کش اتگ۔ قاسم جومارت توکایووف  ءِ گوما صدر آصف علی زرداری ءُ مزن وزیر محمد شہباز شریف ءَ گوں گند ءُ نند کنت ۔ آ پاکستان ءُ قازقستان بزنس فورم ءَ ھم گشتانک دنت۔ اے تر ءُ تاب ءَ چہ دوئیں ملک آناں دو نیمگی سیادی آنی سر ءَ سرجمیں رنگ ءَ چار ءُ تپاسی کنگ ءِ ھاترا ھاسیں رنگ ءَ تجارت، رسد، دمگی ھمگرنچی، مردم آنی نیام ءَ رابطہ آناں دیمروئی دیگ ءُ دمگی ءُ میاں اوستمانی فورم آنی تہ ءَ کمک ءِ امکانات آناں پٹ ءُ پول کنگ ءِ یک ھاسیں موہ ءِ پجارینگ بیت۔ قازقستان ءِ صدر ءِ تر ءُ تاب پاکستان ءُ قازقستان ءِ نیام ءَ مھکمیں سیادی ءِ درشان اِنت، راجدپتری ءُ دود ءُ ربیدگی نزیکی ءَ را موثر عملی کمک ءِ تہ ءَ بدل کنگ ءِ یکوئی ءِ جزم ءَ را پدر کنت ءُ دمگ ءَ امن ءُ دیمروئی ءِ ھاترا دوئیں ملک آنی یکجائی واھشت ءِ نمائندگی کنت۔