کینسر جہانی چیلنج، گچین درمان و رکھی تدابیر اٹ مرض آن بچنگ مریک، اسپیکر قومی اسمبلی

اسلام آباد۔ 04 فروری(اے پی پی) اسپیکر قومی اسمبلی سردار ایاز صادق پارینے کہ کینسر اسہ جہانی چیلنج اسے، گچین درمان ورکھی تدابیر اٹ کینسر کون آ مرض آن بچنگ مریک۔ برجاسال انا جہانی یوم کینسر نا تھیم’’یونائیٹڈ بائے یونیک‘‘ کینسر نا ہر مریض نا یکتا جہد نا عکاسی ءِ کیک ۔ داخیال آتا درشانی ءِ اوجہانی یوم کینسر آ تینا کلہو اٹی کرے۔ اوپارے کہ پارلیمان  کینسر نا ناجوڑآتا درمان اسکان رسینگ و جان جوڑی نا نظام ءِ سوگو کننگ کن سنبرینگوک ءِ۔ قومی ایچ پی وی ویکسی نیشن مہم سروائیکل کینسر آن بچفنگ کن حکومت نا تاریخی گام ءِ، 9 آن 14 سال انا مسن تے مفت ایچ پی وی ویکسین نا فراوانی ستاکڑزوک ءُ گام اسے۔ اسپیکر قومی اسمبلی سردار ایاز صادق پارے کہ لاہوراٹی پوسکن کو۔ایبلکشن کینسر ٹریٹمنٹ سینٹر نا جوڑ کننگ اسہ اہم ءُ مزل نا نشان اسے، جان جوڑ زند انا وڑ و باقاعد ہ طبی معائنہ کینسر آن بچفنگ کن گچین ءِ۔ اوپارے کہ کینسر نا ناجوڑآتون ہمدردی و مثبت رویہ اختیار کننگ راجی زمواری ءِ۔ کینسر نا بابت آگاہی و طبی آسراتی اسکان رسینگ کینسر نا برخلاف جنگ ءِ کٹنگ اٹ المی ءِ۔