مچ آ ملک اٹی پولیو تور مہم مسٹ میکو دے آ ہم سرسہبی اٹ برجاءِ

اسلا م آباد۔ 04 فروری (اے پی پی) قومی ایمرجنسی آپریشن سینٹر (این ای او سی) نا رداٹ سال 2026 نا اولیکو قومی پولیو تور مہم مسٹ میکو دے آ ہم مچ آملک اٹی سرسہبی اٹ برجاءِ۔ مہم اٹی 4 لکھ آن زیات پولیو ورکز ہراُراغا ہنسا چناتے پولیو آن بچفنگ نا پڑی کُنفنگ ءُ۔ این ای او سی نا پاننگ ءِ کہ پولیو تور مہم پاکستان و اوغانستان اٹی اسہ وخت آ اڈتننگ انگ ءِ۔ مہم نا بنائی اِرادے اٹی مچ آملک اٹی 2 کروڑ 68 لکھ آن زیات چناتا ویکسی نیشن ءِ پورو کننگانے۔ حساب وکتاب نا رداٹ پنجاب اٹی 1 کروڑ 45 لکھ آن زیات، سندھ اٹی 58 لکھ 83 ہزار آن زیات، خیبرپختونخوا ٹی 43 لکھ 20 ہزار آن زیات، بلوچستان اٹی کم و ود 12 لکھ 8 ہزار، اسلام آباد اٹی کم و ود 2 لکھ 94 ہزار، گلگت بلتستان اٹی 1 لکھ 65 ہزار آن زیات وخت اس کہ آزاد جموں وکشمیر اٹی 4 لکھ 64ہزار چناتے پولیو نا پڑی کُنفنگانے۔ این ای او سی نا رداٹ پولیو اسہ لاعلاج ءُ مرض اسے ہرا چناتے مچ آ زند اکن معذور جوڑ کننگ کیک۔ لمہ و باوہ غاتیان خواست کننگانے کہ او پولیو ورکرز آتیکن تینا درگہ ءِ ملر و تینا چناتے پولیو آن بچفنگ نا پُڑی المی کنفر۔