اسلام آباد۔ 03 فروری (اے پی پی) صدرِ مملکت آصف علی زرداری قازقستان و ازبکستان نا صدر آتے پاکستان نا سرکاری دورہ غاتیٹی ملک انا غٹ آن بڑزکو سول اعزاز نشانِ پاکستان ایتک۔ سے شنبے نادے آ ایوانِ صدر نامیڈیا ونگ انا رداٹ نشانِ پاکستان، پاکستان نا غٹ آن باوقار سول اعزاز ءِ ہرا ہمو شخصیت آتے تننگک ہرافک پاکستان ناقومی فائدہ کن بھلو ونمان خذمت سرایتر۔ دااعزاز مستین …
صدر مملکت آصف علی زرداری قازقستان و ازبکستان نا صدر آتے نشانِ پاکستان ایتک
گیشتریں ھال
اسلام آباد۔ 03 فروری (اے پی پی) صدرِ مملکت آصف علی زرداری قازقستان و ازبکستان نا صدر آتے پاکستان نا سرکاری دورہ غاتیٹی ملک انا غٹ آن بڑزکو سول اعزاز نشانِ پاکستان ایتک۔ سے شنبے نادے آ ایوانِ صدر نامیڈیا ونگ انا رداٹ نشانِ پاکستان، پاکستان نا غٹ آن باوقار سول اعزاز ءِ ہرا ہمو شخصیت آتے تننگک ہرافک پاکستان ناقومی فائدہ کن بھلو ونمان خذمت سرایتر۔ دااعزاز مستین اٹی ہم بطور شرف و سنگتی نا درشانی ءِ کننگ کن دورہ کروک آ سربراہان مملکت آتے ترسا کننگانے ہرا ہڑتوم آکنڈآتا تعلقداری نا سوگوی نا عکاسی ءِ کیک۔ اعزاز آتا دود ایوانِ صدر اٹی اڈ ہلیک ہراڑے صدرِ مملکت باضابطہ وڑاٹ ہڑتوم آ شرفمند آ مہمان تے نشانِ پاکستان ایتک۔ قازقستان و ازبکستان نا صدر آتا اعزاز اٹی سرکاری ضیافت آتا ہم بست وبند کننگک۔ دا دود آتیٹی بنجائی کابینہ نا باسک آک، پارلیمنٹ نا نمائندہ غاک ، سفارتی برادری نا باسک آک و ایلو شرفمند آ شخصیت آک بشخ ہلیرہ۔
