نائب وزیراعظم اسحاق ڈار تون مسلم لیگ (ن) یواے ای و کینیڈا نا راہشون تا اوڑدہی

اسلام آباد۔ 03 فروری (اے پی پی) نائب وزیراعظم و وزیرخارجہ و صدر انٹرنیشنل افیئرز پاکستان مسلم لیگ (ن) سینیٹر محمد اسحاق ڈار تون یواے ای و کینیڈا نا عہدیدار بشمول غلام مصطفیٰ مغل چیئرمین مسلم لیگ (ن) یواے ای پیر عدنان بودلہ ہیڈ میڈیا مسلم لیگ (ن) کینیڈا، راجہ محمد شفیق نائب صدر مسلم لیگ (ن) کینیڈا و ایلو اوورسیز راہشونک اوڑدہی کریر ہراٹی ایڈیشنل سیکرٹری جنرل پاکستان مسلم لیگ (ن) انوشہ رحمان ہم بشخ ہلک۔ سے شنبے نادے آ داڑے جاری بیان نا رداٹ اوڑدہی ٹی بشخ ہلوک آ ک نائب وزیراعظم ءِ آپریشن بنیان مرصوص اٹی سرسہبی آ مبارکبادی پیش کرے و پارے کہ اوورسیز پاکستانی سوز پاسپورٹ نا عزت ءِ بحال کرفنگ اٹی وزیراعظم و نائب وزیراعظم نا منت وار ءُ۔ بشخ ہلوک آک پاکستان نا سلامتی و گچینی کن وزیراعظم شہباز شریف و نائب وزیراعظم نا زرگزرانی و سفارتی امور اٹی کروک آ گام گیج آتا ستاءِ کریر۔ داوخت آ راجہ محمد شفیق آزاد کشمیر اٹی شونداری کاریم تا بابت کتاب اس ہم پیش کرے۔ نائب وزیراعظم ڈل انا منت واری ءِ ہرفسا پارے کہ اوورسیز پاکستانی ننا گمر ومیرات ءُ و نن اوفتا ویل آتا ایسری کن کاریم کننگ اُن۔ اوپارے کہ دنیا نا بھاز انگا ملک آک داوخت آ پاکستان تون واپاری و سفارتی تعلقداری تے ودفنگ کن کوشست کننگ ءُ ، 9 مئی نا شاندار کٹنگ اللہ رب العزت نا نن پاکستانی تیا خاص مہربانی ءِ  اوکان پد پاکستان ءِ دنیا ٹی بے بہا عزت ملا ہرانا اخس کہ شکر ءِ ادا کننگے کم ءِ۔