چیئرمین سینیٹ سید یوسف رضاگیلانی نا سینئر صحافی و اے پی پی نا ڈائریکٹر اردو نیوز سروس عبدالجبار زکریا نا مار معاذ عبداللہ نا کزیت آ است ہسونی نا درشان

اسلام آباد۔ 03 فروری (اے پی پی) چیئرمین سینیٹ سید یوسف رضاگیلانی سینئر صحافی و اے پی پی نا ڈائریکٹر اردونیوز سروس عبدالجبار زکریا نا مار معاذ عبداللہ نا بھلو وخت اسے نا ناجوڑی آن پد کزیت آ ڈکھیائی و است ہسونی نا درشانی ءِ کرینے۔ سینیٹ سیکرٹریٹ آن جاری بیان نا رداٹ چیئرمین سید یوسف رضاگیلانی تینا بیان اٹی پارے کہ ورنامعاذ عبداللہ نا کزیت است ہسون ءُ سانحہ اسے ہراڑآنن غٹ ءِ بھاز ڈکھیائی و افسوز ءِ۔ اوایماندار نا خاہوت تون ہمدردی و ہڑزخواہی نا درشانی ءِ کرسا پارےکہ او دا مشکل وخت اٹی پدسلوک آ خاہوت آتا ڈکھیائی ٹی بریبر نا شریک ءِ۔ سید یوسف رضاگیلانی اللہ تعالیٰ آن دعاکرے کہ او ایماندار ءِ جنت اٹ جاگہ و خاہوت ءِ صبر وجمیل عطاکے۔