پاکستان پویلین ٹیم ءَ مزن وزیر شہباز شریف ءَ گوں وینس آرٹ نمائش ءَ گند ءُ نند کتگ

لاہور۔ 2 فروری (اے پی پی): مزن وزیر محمد شہباز شریف ءَ ملک ءِ راجدپتر ءُُ دود ءُُ ربیدگ ءِ زیبائی ءَ را سرجمیں دگنیا ءَ را پدر کنگ ءِ ضلورت ءِ سر ءَ زور پر دات۔ دو شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ پاکستان پویلین ٹیم ءَ مئی ءَ چہ نومبر 2026 ءَ اٹلی ءِ شہر وینس ءَ برجم دارگ بوھوکیں راجدپتری آرٹ نمائش ’’61می وینس دوائینال 2026‘‘ ءَ مزن وزیر ءَ گوں گند ءُُ نند کتگ۔ پویلین ءِ کیوریٹر بیٹریس کوفینس فلیکانو ءُ پاکستان پویلین ءِ کمشنر ڈاکٹر یعقوب خان بنگاش ءِ نام ءَ زانگ بیت۔ پاکستان پویلین ٹیم ءَ مزن وزیر ءَ را گوشت کہ پاکستان ءِ روایتی ازم، ایشی ءِ جمالیات ءُُ زیبائی ءَ را اے سال وینس ءَ نمائش ءَ سرجمیں دگنیا ءِ مہمان ءُ سیل ءُُ سواد کنوک آنی دیم ءَ پیش کنگ بیت۔ مزن وزیر ءَ را گوشگ بوت کہ مئی ءَ چہ نومبر 2026 ءَ پاکستان پویلین ءِ چیر دستی ءَ بازیں مراگش برجم دارگ بنت ایشانی تہ ءَ سرجمیں دگنیا ءِ مہمان آناں پاکستانی دود ءُ ربیدگ ءُ آرٹ ءِ جتا جتائیں تک ءُ پھنات آنی بابت ءَ سرپد کنگ بیت۔ مزن وزیر ءَ را ھال دیگ بوت کہ 1895ءَ بندات بوتگیں وینس بائینال دگنیا ءِ کوھن تریں ءُُ مزنیں آرٹ نمائش اِنت کہ ایشی ءِ تنوعءُُ نبشتہ کاری ءِ درشان ءِ رد ءَ بے درور اِنت۔ مزن وزیر ءَ ٹیم ءَ را وش اتک کت ءُ اے گپ ءِ سر ءَ زور پر دات کہ پاکستانی راجدپتر ءُُ دود ءُُ ربیدگ ءِ زیبائی ، ءُ ایشی ءِ تنوع ءُ شمولیت ءِ عناصر ءَ را سرجمیں دگنیا ءَ را دیم ءَ آرگ ءِ ضلورت انت۔ ڈل ءَ مزن وزیر ءَ را پاکستان پویلین ءِ بنگیج کنگ ءِ دعوت ھم داتگ.