اسلام آباد۔ 2فروری (اے پی پی): پاکستان ءِ چیف جسٹس ءُ پاکستان ءِ کانود ءُ انصاف کمیشن ءِ چیئرمین جسٹس یحییی آفریدی ءَ کانود ءُ انصاف کمیشن ءِ سیکرٹری تنزیلہ صباح ءَ گوں آئی ءِ یک سالی ڈپوٹیشن ءِ مدت ءِ سرجمی ءِ سر ءَ الوداعی گند ءُ نند کتگ ءُ آئی ءِ ازمت ساڑاتگ انت۔ سپریم کورٹ ءِ پبلک ریلیشنز ڈیپارٹمنٹ ءِ نیمگ ءَ چہ جاڑی بوتگیں بیان ءِ رد ءَ اے موہ ءِ سر ءَ چیف جسٹس ءَ تنزیلہ صباحت ءِ پیشہ وارانہ لگن ءُُ محنت ءِ توسیپ کتگ ءُُ کمیشن ءِ ادارگی کارکردگی ءَ را مھکم کنگ ءِ تہ ءَ آئی ءِ کرد ءَ را ارزشتی لیک اتگ۔ آئی ءَ انتظامی جیڈھ آناں گہتر کنگ ءُُ عدالتی اصلاحات ءِ ھاسیں گامگیج آناں دیم ءَ برگ ءِ تہ ءَ آئی ءِ کوشست آناں ھم پدر کت۔ چیف جسٹس ءَ تنزیلہ صباحت ءَ را آئی ءِ آیوکیں پیشہ وارانہ ذمہ واری آنی ھوالگ ءَ نیکیں واھشت آنی درشان کت ءُ امیت کت کہ آ آیوکیں وھد ءَ ھم ھمے شرپداریں رنگ ءَ وتی خدمت ءَ برجاہ دار ایت۔ گند ءُ نند ءَ سپریم کورٹ ءِ رجسٹرار، کانود ءُ انصاف کمیشن ءِ استیں سیکرٹری ءُ کمیشن ءِ ایندگر افسر ھم ساڑی بوتگ انت۔ اے موہ ءِ سر ءَ چیف جسٹس ءَ چہ کار ءَ درکپوکیں سیکرٹری ءَ را یادگاری ءِ رد ءَ یک سوگات ءِ ھم دات ۔

اسلام آباد۔ 2 فروری (اے پی پی): وفاقی وزیر اھوالکاری ءُ شنگکاری عطا اللہ ترار ءَ گوشت کہ پاکستان ءَ جوانیں فلم جوڑ کنگ ءِ واستہ سرجمیں گامگیج ءُ کمک کنگ بیت۔ آئی ءَ اے گپ دو شمبے ءِ روچ ءَ الیکٹرانک میڈیا اینڈ پبلکیشنز ءِ ڈائریکٹوریٹ ءِ نیمگ ءَ برجم داشتگیں جتا جتائیں منصوبگ آنی چار ءُُ تپاسی دیوان ءَ گوں تران کنان ءَ کت۔ گند ءُُ نند ءِ تہ ءَ وفاقی وزیر ءِ اھوالکاری ءَ را مرکزی نگرانی منصوبگ ءِ دائرہ کار ءِ تہ ءَ گیشی ءُُ نیشنل سینٹر آف فلمز ءِ جوڑیشت ءِ بابت ءَ سرپدی دیگ بوت، ایشی ءِ تہ ءَ ٹیکنالوجی ءِ تہ ءَ گہتری ھوار اِنت۔ دیوان ءَ را سرپد کنگ بوت کہ مرکزی نگرانی منصوبگ جنوری 2023 ءَ بندات کنگ بوتگ، ءُ اے منصوبگ اے سال ءِ جون 2026 ءَ سرجم کنگ بیت۔ وفاقی وزیر ءِ اھوالکاری ءَ مرکزی نگرانی منصوبگ ءِ وھد ءِ سر ءَ سرجم کنگ ءِ سر ءَ زور پر دات۔ اے موہ ءِ سر ءَ وفاقی وزیر ءِ اھوالکاری ءَ گوشت کہ مرکزی نگرانی یونٹ نوکیں لوٹ آنی رد ءَ یک منصوبگ ءِ اِنت، ایشی ءَ چہ بیانیہ ءِ جوڑ کنگ ءِ ھوالگ ءَ رپورٹ جوڑ کنگ ءُُ موثر حکمت عملی ءِ ٹھینگ ءَ کمک رسیت۔ آئی ءَ گوشت کہ منصوبگ ءَ چہ پرائیویٹ سیکٹر ءَ ھم فائدگ رسیت ھما جاہ ءَ کہ آ وتی مواد ءِ تجزیہ کنگ ءِ آسراتی ءَ را رسگ ءَ سوبین بنت۔ اے موہ ءِ سر ءَ ڈی ایم پی انتظامیہ ءَ پی سی ون ءُ منظور بوتگیں کار منصوبگ ءِ رد ءَ جون 2026 ءَ تاں منصوبگ ءِ وھد ءِ سر ءَ سرجمی ءَ را دل یکیمی کنگ ءِ واستہ درستیں المی گامگیج آنی دل یکیمی داتگ۔ دیوان ءَ منصوبگ ءِ پیشرفت ءِ چار ءُ تپاسی ءِ واستہ باقاعدہ جائزہ دیوان برجم دارگ ءُ ھرچ رکاوٹ ءِ پجارینگ ءُُ وھد ءِ سر ءَ گیش ءُ گیوار کنگ ءِ سر ءَ ھم تپاک کنگ بوتگ۔ دیوان ءَ نیشنل سنٹر آف فلمز ءِ جوڑیشت ءِ بابت ءَ ھم سرپد کنگ بوت۔ وفاقی وزیر ءِ اھوالکاری ءَ گوشت کہ پاکستان ءَ کوالٹی فلم جوڑ کنگ ءِ واستہ مھکمیں گامگیج ءُُ کمک کنگ بیت۔ دیوان ءَ را سرپد کنگ بوت کہ ڈی ای ایم پی ءِ فلم ونگ ءِ نوکیں رنگ ءِ وسیلگ ءَ جوڑ بوتگیں نیشنل سینٹر آف فلمز نیشنل فلم پالیسی 2018 ءِ سرکاری نگہبان ءِ بستار ءَ نیشنل سینٹر آف فلمز فلم ءُ ڈرامہ ءِ صنعت ءِ سیادی داروکیں اسٹیک ہولڈر آنی گوما ہمگرنچی ءُ ہمگرنچی ءَ را دل یکیمی کنت۔ پالیسی ءِ چیر دستی ءَ ترغیبات ءِ سر ءَ عمل کنگ ءِ آسراتی ءُُ منظم رابطہ، معاہدہ ءُُ گلوبل پلیٹ فارم آنی تہ ءَ بھر زوری ءِ وسیلگ ءَ پاکستان ءِ سینما انڈسٹری ءَ را میاں اوستمانی تک ءَ دیمروئی دیگ ءِ واستہ ھم گامگیج چست کنگ بوھگ ءَ اِنت۔ دیوان ءَ گیش سرپدی دیگ بوت کہ فلمی صنعت ءِ زندگ کنگ ءِ واستہ وزارت ءِ اطلاعات ءُُ نشریات ءِ نیمگ ءَ مالی ترغیب ءِ جار جنگ بوتگ ایشی ءِ تہ ءَ سینما ٹو گرافک ءِ سامان آنی سر ءَ رعایت، سینما آپریشن ءُ فیچر فلم آنی جوڑ کنگ ءِ واستہ ٹیکس ریلیف، فلم اینڈ ڈرامہ فنانس فنڈ ءِ چیر دستی ءَ کارپوریٹ چاگردی ذمہ واری ءَ گوں سیادی داروکیں ٹیکس کریڈٹ ھوار اَنت۔ دیوان ءَ را سرپدی دیگ بوت کہ فلم ءُُ ڈرامہ ءِ پڑ ءَ کمک ءِ دیمروئی ءِ واستہ بازیں ملک آنی گوما مفاہمت نامہ ءِ سر ءَ ھم دستخط کنگ بوتگ، ایشی ءِ مول ءُ مراد مواد ءِ تبادلہ، یکجائی پروڈکشن، ءُ میاں اوستمانی فلمی میلہ آنی تہ ءَ بھر زوری ءِ دیمروئی اِنت۔