اے پی پی ءِ ڈیجیٹل رسائی ءِ ھاتر ءَ مس انفارمیشن ءِ مقابلہ ءُ ملک ءِ پازیٹو پجار ءَ را سہرا کنگ ءِ واستہ المی اِنت، وفاقی وزیر ءِ ھال ءُ اھوال ءُ شنگکاری عطا اللہ تراڑ

اسلام آباد۔ 2فروری (اے پی پی): وفاقی وزیر ءِ اھوالکاری ءُ شنگکاری عطا اللہ ترار ءَ اسٹریٹجک بیانیہ ءِ جوڑ کنگ ءِ تہ ءَ راجی ھال رسانکی ادارگ ”ایسوسی ایٹڈ پریس آف پاکستان“ ءِ کلیدی کرد ءِ سر ءَ زور پر دات ءُُ گوشت کہ ادارگ ءِ ڈیجیٹل رسائی ءَ را گیش کنگ ءَ چہ ردیں ھال آنی ھلاپ ءَ جنگ ءُُ ملک ءِ مثبت ءِ امیج ءَ را پدر کنگ ءَ کمک رسیت۔ دو شمبے ءِ روچ ءَ اے پی پی ءِ ہیڈ کوارٹر ءِ تر ءُُ تاب ءِ موہ ءَ دیوان ءِ سروکی کنان ءَ وفاقی وزیر ءَ ہدایت کت کہ جتا جتائیں سوشل میڈیا پلیٹ فارم ھاسیں رنگ ءَ دمگی زبان آنی تہ ءَ چہ دمگی کمیونٹیز ءِ گوما نزیکیں رابطہ ءِ واستہ ھال ءُ اھوال ءِ مواد ءِ دیمروئی ءِ واستہ مزنیں کساس ءَ کارمرد کنگ بہ بیت۔ وفاقی وزیر ءَ بلوچی، براہوئی، سندھی، پشتو ءُ سرائیکی سروسز ءِ تہا اے پی پی ءِ حالانی مواد ءِ مزنیں کچے ءَ ڈیجیٹل پروموشن ءِ ہدایت کت ءُُ گوشت کہ ایشی ءَ چہ الس ءِ بھروسہ گیش بیت ءُُ حکومت ءِ بیانیہ گیش جامع بیت۔ وفاقی وزیر عطا اللہ تراڑ ءَ اے پی پی ءِ ڈیجیٹل صلاحیت ءَ را گیش کنگ ءُُ مواد ءَ را مقابلہ ءِ ھاتر ءَ ورنا سوشل میڈیا ءِ ماہرین آناں ہوار کنگ ءِ سوج داتگ۔ آئی ءَ ھال ءُ اھوال ءُ ڈیجیٹل میڈیا ءِ پڑ ءَ کمک ءِ واستہ یک سرجمیں فریم ورک ءِ جوڑ کنگ ءِ واستہ زوت اے پی پی، پی ٹی وی ءُ ڈیجیٹل کمیونیکیشن ڈیپارٹمنٹ ءِ یکجائی دیوان ءِ گوانک جنگ ءِ جار جتگ۔ وفاقی وزیر ءَ ایم ڈی اے پی پی محمد عاصم کھچی ءِ تنظیم ءِ تہا شفافیت آرگ ءُُ کرپشن ءَ ہواریں ملازم آنی نیٹ ورک ءَ را بے نقاب کنگ ءِ ھاتر ءَ کوشست آناں ساڑات ءُ اے کوشست آنی سرجمیں کمک ءِ درشان کت۔ آئی ءَ کرپشن کیس ءِ گوشدارگ ءِ برجاہ دارگ ءِ ہدایت کتگ۔ وفاقی وزیر انفارمیشن ءَ زوت اے پی پی بورڈ آف ڈائریکٹرز ءِ دیوان ءِ دعوت دیگ ءِ دل یکیمی داتگ ءُ اے درگت ءَ سیکرٹری انفارمیشن ءَ را ھاسیں ہدایت داتگ۔ مزن وزیر ءِ میڈیا کوآرڈینیٹر بدر شہباز ءَ اے پی پی ءِ نیمگ ءَ جوڑ کتگیں ءُ شنگ بوتگیں ھالانی مواد ءِ سر ءَ دل یکیمی ءِ درشان کت ءُ گوشت کہ ادارگ ءِ ڈیجیٹل گنجائش ءِ تہ ءَ گیشی ءَ چہ راجی ھال رسانکی ادارگ ءِ دائرہ کار گیش پراھی بیت۔ پی آئی او مبشر حسن ءَ گوشت کہ اے پی پی وتی معتبریں رپورٹنگ ءُ میڈیا کوریج ءِ وسیلگ ءَ راجی پجار ءِ جوڑ کنگ ءَ جوانیں کرد پیلو کنگ ءَ انت۔ منیجنگ ڈائریکٹر اے پی پی محمد عاصم خاچی ءَ وفاقی وزیر ءَ را بریفنگ دیگ ءِ وھد ءَ گوشت کہ اے پی پی ءِ ڈیٹا سینٹر ءِ اپ گریڈ کنگ ءُ ویب سائٹ ءَ را ان ہاؤس سرور ءِ سر ءَ شنگ کنگ ءَ چہ سالانہ 9ہزار ڈالر ءِ بچت بوھگ ءَ اِنت۔ آئی ءَ گوشت کہ تنظیم ءِ تہ ءَ بوتگیں پٹ ءُ پول ءُُ آڈٹ ءِ ساھت ءَ یک ارب 24ارب ءَ چہ گیش کلدار ءِ سنگینیں مڈی ءِ بے درور کنگ بوتگ۔ آئی ءَ گیش گوشت کہ سپریم کورٹ ءَ کرپشن کیس ءِ تہ ءَ 6 ملزم آنی ضمانت رد کتگ ءُ سیادی داروکیں آمید گس ءَ سئے ماہ ءِ اندر ءَ مقدمہ سرجم کنگ ءِ پرمان داتگ۔ ملازمین ءِ ڈگریانی تصدیق ءِ ھاتر ءَ یک ھاسیں سیل ءِ سرگرم انت ، وھدے کہ چھٹی ءُ طبی طریقہ کار ءَ را آٹو کنگ بوتگ. گند ءُ نند ءَ مزن وزیر ءِ میڈیا کوآرڈینیٹر بدر شہباز، پرنسپل انفارمیشن آفیسر مبشیر حسن، ایگزیکٹو ڈائریکٹر اے پی پی سبین عثمان خٹک ءُ ڈائریکٹر نیوز شمائلہ عندلیب ءَ ھم بھر زوری کت۔ ایشی ءَ چہ پیسر اے پی پی ءِ بنجاہی کارگس ءَ سر بوھگ ءِ وھد ءَ ایم ڈی محمد عاصم کھچی ءُ ایندگر مزنیں کارندہ آں وفاقی وزیر ءِ اھوالکاری ءُ نشریات عطا اللہ تراڑ ءَ را وش اتک کت۔