سیکورٹی فورس آک کارروائی نا کمک اٹ بلوچستان اٹی بدامنی تالان کننگ نا درملکی سازش ءِ ماس کش کرینو، صوبہ ٹی پائیدار امن کن ہرحداسکان کانہ، وزیرداخلہ

اسلام آباد۔ 02 فروری (اے پی پی) وزیرداخلہ محسن نقوی پارینے کہ سیکورٹی فورس آتا کارروائی نا کمک اٹ بلوچستان اٹی بدامنی تالان کننگ نا اسہ بھلو درملکی سازش اسے ماس کش کننگانے، نن بلوچستان اٹی پائیدار امن کن ہرحداسکان کانہ، ریاست نا رٹ ءِ چیلنج کروک آ زموار آتیکن داسہ ہچ ءُ جاگہ اس اف۔ دوشنبے نادے آتینا بیان اٹی اوبلوچستان اٹی سیکورٹی فورسز، پولیس و انٹیلی جنس ایجنسی تا اسیجائی آپریشن ءِ پک کرسا پارے کہ دا کارروائی ٹی فتنۃ الہندوستان آن تعلق تخوک آ 22 دہشت گرد آتے جہنمی کننگانے۔ اوپارے کہ سیکورٹی ادارہ غاک انٹیلی جنس نا بنداو تیا وخت آ کارروائی کرسا دہشت گرد آتا بھلا نیٹ ورک آتے شست کرے۔ اوپارے کہ فتنۃ الہندوستان نا غٹ کمکارآتا پورو چٹفنگ اسکان آپریشن برجاسلک۔