الیکشن کمیشن پنجاب و کے پی کے نا صوبائی اسمبلی نا مسہ باسک آتا رکنیت ءِ بحال کرے

اسلام آباد۔ 02 فروری (اے پی پی) الیکشن کمیشن آف پاکستان پنجاب وخیبرپختونخوا نا صوبائی اسمبلی نا مسہ باسک آتا رکنیت ءِ بحال کرے۔ پنجاب اسمبلی آن رانا ریاض احمد(پی پی۔202) و خیبرپختونخوا اسمبلی آن محمد اقبال خان (پی کے۔103) و آصف خان (پی کے۔109) نا رکنیت میرات آتا سرجم آتے جمع کرفپننگ آ معطل کننگاسس، داسہ او مالی سال 2024-25کن درکار دستاویز آتے جمع کرفینے۔ الیکشن کمیشن نا نوٹیفکیشن نا رداٹ الیکشن ایکٹ 2017 نا دفعہ 137 نا رداٹ اسمبلی نا باسک آتے ہرسال 31 دسمبر اسکان تینا، شریک حیات و چناتا میرات و واجبات آتا سرجم آتے فارم بی آ جمع کرفوئی مریک۔ جنوری 2026 اٹی جاری کروک آ نوٹیفکیشن اٹی دا باسک آتے معطل کننگاسس، داسہ دا باسک آک کانودی خواست آتے پورو کرینو اوکان پد الیکشن کمیشن اوفتا رکنیت ءِ بحال کرینے۔