پولیو نا چٹفنگ حکومت نا اولیت آتیٹی اوار ءِ، فوکل پرسن پولیو تور عائشہ رضافاروق

اسلام آباد۔ 02 فروری (اے پی پی) سال 2026 نااولیکو قومی پولیو مہم نا باضابطہ بناءِ نیشنل ایمرجنسی آپریشنزسینٹر(نیشنل ای او سی ) نا رداٹ اسلام آباد نا علاقہ راول ٹاؤن اٹی واقع اسہ بنداوی جان جوڑی ہند اسے ٹی کننگا۔ داوخت آ تران کرسا وزیراعظم نا فوکل پرسن پولیو تور عائشہ رضافاروق پارے کہ پولیو نا چٹفنگ حکومتِ پاکستان نا اولیت آتیٹی اوار ءِ۔ اوپارے کہ پولیو نا چٹفنگ نا سفر نا دا اہم ریسہ غا دا قومی مہم بھلو اوہمیت اس تخک۔ بنائی دود انا مہمانِ خاص وزیراعظم نا فوکل پرسن پولیو تور عائشہ رضافاروق ئس، وخت اس کہ کینیڈین ہائی کمشنر اسد علی ہم داوخت آ ساڑی ئسک۔ بنائی دود اٹی عائشہ رضافاروق و کینیڈین ہائی کمشنر اسد علی چناتے پولیو آن بچفنگ نا پڑی کنفے۔ داوخت آ حوال اٹی پاننگاکہ قومی پولیو مہم اٹی مچ آملک اٹی 4 کروڑ 50 لکھ آن زیات چناتے پولیو آن بچفنگ نا پڑی کُنفنگک۔ دود آن تران کرسا عائشہ رضافاروق پارے کہ پولیو نا چٹفنگ حکومتِ پاکستان نا اولیت آتیٹی اوار ءِ، پولیو نا چٹفنگ نا سفر نا دااہم ریسہ غا دا قومی مہم بھلو اوہمیت اس تخک۔ اوفرنٹ لائن ہیلتھ ورکرز آتا قربانی و سخت خواری تا ستاءِ کرساپارے کہ ہندا تا سوب ملک اٹی پولیو نا چٹفنگ نا کسر آوار مننگ ءِ۔ دود اٹی جہانی ادارہ جان جوڑی (ڈبلیو ایچ او) و یونیسیف نا کنٹری ریپریزنٹیٹیوز ئسک ہم بشخ ہلکر۔ عائشہ رضافاروق پولیو نا برخلاف جہد اٹی کینیڈا نا مریس و نہادی شریداری نا تاستاءِ کرسا دا کمکاری چناتا جان جوڑی و رکھ اٹی اہم کڑد ادا کرینے۔ اوکینیڈا نا حکومت نا کنڈآن جاری کمکاری آ خصوصی منت واری ءِ ہرفے۔