اسلام آباد۔ 02 فروری (اے پی پی) وزیراعظم محمد شہباز شریف نا سلہ غا جمہوریہ قازقستان نا صدر قاسم جومارت توکائیف پگہ(سے شنبےنادے آ) اولیکو سرکاری دورہ غا پاکستان آ بریک۔ اِرادے ئی دورہ ٹی صدر توکائیف تون اوار بڑزکو کہول انا ڈل ہم مریک ہراٹی اونا کابینہ نا سینئر باسک آک و ایلوبڑزکوسرکاری کمامدارآک اوار مریرہ۔ وزارت خارجہ نا کنڈآن دوشنبے نادے آجاری بیان نا رداٹ دورہ ٹی …
وزیراعظم محمد شہباز شریف نا سلہ غا قازقستان نا صدر قاسم جومارت توکائیف سے شنبےنادے آ پاکستان آ سرمریک، دفترخارجہ
گیشتریں ھال
اسلام آباد۔ 02 فروری (اے پی پی) وزیراعظم محمد شہباز شریف نا سلہ غا جمہوریہ قازقستان نا صدر قاسم جومارت توکائیف پگہ(سے شنبےنادے آ) اولیکو سرکاری دورہ غا پاکستان آ بریک۔ اِرادے ئی دورہ ٹی صدر توکائیف تون اوار بڑزکو کہول انا ڈل ہم مریک ہراٹی اونا کابینہ نا سینئر باسک آک و ایلوبڑزکوسرکاری کمامدارآک اوار مریرہ۔ وزارت خارجہ نا کنڈآن دوشنبے نادے آجاری بیان نا رداٹ دورہ ٹی صدر قاسم جومارت توکائیف صدرِ پاکستان آصف علی زرداری و وزیراعظم محمد شہباز شریف تون اوڑدہی کیک۔ داکان بیدس او پاکستان قازقستان بزنس فورم آن تران ہم کیک۔ دادورہ ہڑتوم آ ملک آتیکن ہڑتوم آکنڈآتا تعلقداری نا جوان جاچ ءِ ہلنگ، کمکاری نا پوسکن وارخواہی تیا سجفنگ، خاص کر واپار، لاجسٹکس، علاقائی رابطہ کاری، السی رابطہ غاتا مون آ دننگ و علاقائی وجہانی فورم تیا کمکاری نا گمان تے دریافت کننگ نا اسہ پین اہم ءُ موقع اس فراوان کیک۔ بیان نا رداٹ قازقستان نا صدر نا دور دورہ پاکستان و قازقستان نا نیام اٹ سوگو مرسا تعلقداری تاعکاسیءِ کیک، تاریخی و دودربیدہ ئی خڑکی تے گچین عملی کمکاری ٹی بدل کننگ نا تین پہ تینی عزم ءِ تالان کیک و ڈیہہ اٹی امن و شونداری کن ہڑتوم آملک آتا اسیجائی است خواہی تا نمائندگی ءِ کیک۔
