صدر آصف علی زرداری ءَ آسٹریلیا ءِ ھلاپ ءَ ٹی ٹوئنٹی سیریز ءَ راجی ٹیم ءِ برجاھیں ءُ درپشناکیں سوبمندی ءِ سر ءَ سرجمیں راج ءَ را مبارک بات داتگ

اسلام آباد۔1فروری  (اے پی پی):صدر ءِ مملکت آصف علی زرداری ءَ پاکستان ءُ آسٹریلیا ءِ نیام ءَ گوازی بوتگیں ٹی ٹوئنٹی سیریز ءِ تہ ءَ راجی ٹیم ءِ برجاھیں ءُ دراجیں سوبمندی ءِ سر ءَ سرجمیں راج ءَ را مبارک بات داتگ۔ یک شمبے ءِ روچ ءَ صدر ءِ ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت آصف علی زرداری ءَ گوشت کہ ٹی ٹوئنٹی سیریز ءِ تہ ءَ کلین سویپ راجی ٹیم ءِ یکجائی محنت ءُ پیشہ وارانہ تیاری ءِ برورد انت۔ آئی ءَ گوشت کہ آسٹریلیا ءِ ھلاپ ءَ ٹی ٹوئنٹی سیریز ءِ وھد ءَ راجی کرکٹ ٹیم ءَ میدان ءِ سر ءَ زمہ واری، ھمگرنچی ءُ دل یکیمی ءِ گوما پاکستان ءَ را شان ءُ شُہرت آورتگ۔ صدر ءِ مملکت ءَ گوشت کہ پاکستان کرکٹ بورڈ ھاسیں رنگ ءَ چیئرمین محسن نقوی راجی ٹیم ءِ بے دروریں سوبمندی ءِ واستہ مبارکی ءِ مستحق انت۔