مزن وزیر شہباز شریف ءَ آسٹریلیا ءِ ھلاپ ءَ ٹی ٹوئنٹی کرکٹ سیریز ءَ کلین سویپ ءِ پد ءَ راج ءَ را مبارکی دات

لاہور ۔1فروری  (اے پی پی):مزن وزیر محمد شہباز شریف ءَ آسٹریلیا ءِ ھلاپ ءَ ٹی ٹوئنٹی کرکٹ سیریز ءَ کلین سویپ ءِ پد ءَ راج ءَ را مبارک بات داتگ ءُ پاکستانی کرکٹ ٹیم ءِ وشیں کارکردگی ءَ را ساڑاتگ۔ یک شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ راجی کرکٹ ٹیم ءَ سک باز جوانیں گوازی ءِ درشان کتگ ءُ ٹی ٹوئنٹی سیریز ءِ سرجمیں میچ سوبمند بوتگ اَنت۔ راجی ٹیم ءِ کھڈکاراں گوازی ءِ وھد ءَ بیٹنگ، بالنگ ءُ فیلڈنگ ءَ ھوار سئیں پڑ آنی تہ ءَ غیر معمولی مہارت، جذبہ ءُ ٹیم ورک ءِ درشانی کتگ۔ اے سوبمندی کھڈکارانی محنت، نظم ءُ ضبط ءُ جذبہ ءِ سبب ءَ ممکن بوتگ۔ مزن وزیر ءَ پاکستان کرکٹ بورڈ ءِ چیئرمین محسن نقوی، کھڈکار ءُ ٹیم مینجمنٹ ءَ را شگر ءُ منت گپت ءُ امیت سہرا کت کہ آیوکیں وھد ءَ ھم سوبمندی آنی اے دراجیں سلسلہ برجاہ بیت۔