وفاقی داخلہ ءِ وزیر محسن نقوی، بلوچستان ءِ سر وزیر سرفراز بگٹی ءُ کور کمانڈر بلوچستان ءَ سی ایم ایچ کوئٹہ ءِ تر ءُ تاب کتگ، پولیس ءِ ٹپیگیں کارندہانی تر ءُ تاب کتگ

کوئٹہ۔ 01 فروری (اے پی پی):وفاقی تہی کارانی وزیر محسن نقوی، بلوچستان ءِ سر وزیر سرفراز بگٹی ءُ کور کمانڈر بلوچستان ءَ یک شمبے ءِ روچ ءَ سی ایم ایچ کوئٹہ ءِ تر ءُ تاب کتگ ءُ پولیس ءِ ٹپیگیں کارندہ آنی تر ءُ تاب کتگ۔ اے موہ ءِ سر ءَ وفاقی تہی کارانی وزیر ، بلوچستان ءِ سر وزیر ءُ کور کمانڈر بلوچستان ءَ ھم ٹپیگیں کارندہ آنی مزنیں حوصلہ ساڑاتگ ۔ وفاقی تہی کارانی وزیر ءَ گوشت کہ شما شیر ءِ وڑ ءَ ناشرکار آنی اُرش ناکام کتگ اَنت، بلوچستان ءَ بے رھبندی پیداک کنگ ءِ پندل ءَ ناکام کنگ ءِ واستہ شمئے دلیری ءَ را سلام کن آں۔ بُنجاھی وزیر میر سرفراز خان بگٹی ءَ گوشت کہ شما مئے شیر اِت ءُ راج شمئے ھمراہ اِنت ۔ ٹپیگیں پولیس کارندہ آں گشتگ کہ وش بوہگ ءَ پد ما پدا ہمے وئیل ءِ ہلاپ ءَ جنگ کناں، مئے روح برز انت ءُ مئے جزم مھکم انت ۔ ٹپیگیں پولیس افسر ءَ گشتگ مارا فتنہ الهندستان ءِ ناشرکار ہلاس کنگی انت۔ فتنہ الهندستان ءِ آفت ءِ ھلاس کنگ ءَ مئے زند ءُ مئے زھگانی زند ھم دستیاب اِنت۔