راجی اسمبلی ءِ اسپیکر سردار ایاز صادق ءَ بلوچستان ءَ سیکورٹی فورسز ءُ لس مھلوک ءِ سر ءَ ناشرکاری اُرش ایر جتگ اَنت

اسلام آباد۔1فروری  (اے پی پی):راجی اسمبلی ءِ اسپیکر سردار ایاز صادق ءَ بلوچستان ءَ سیکورٹی فورسز ءُ شہری آنی سر ءَ ناشرکاری اُرش آنی مذمت کتگ ءُ 15 سیکورٹی فورسز ءِ کارندہ ءُ 18 بے گناہیں شہری اُرش آنی بیرانی ءِ سر ءَ دلپدردی ءُ غم ءِ درشانی کتگ۔ یک شمبے ءِ روچ ءَ راجی اسمبلی ءِ سیکرٹریٹ ءِ نیمگ ءَ جاڑی بوتگیں بیان ءِ تہ ءَ سردار ایاز صادق ءَ ناشرکاری اُرش آناں ناکام کنگ ءُ 163 ءَ چہ گیش ناشرکار آنی کوش ءِ پد ءَ سیکورٹی فورسز ءَ را شگر ءُ منت درشان کتگ۔ آئی ءَ شہید آنی کھول آنی گوما دلپدردی ءُ دلپدردی ءِ درشانی کت ءُ گوشت کہ بے گناھیں شہری ءُ فورسز آنی سر ءَ اُرش کنوکیں بدکار ھچ وڑیں رعایت ءِ مستحق نہ اَنت۔ سردار ایاز صادق ءَ گوشت کہ ناشرکار امن ءُ انسانیت ءِ دژمن اَنت ءُ آھانی تہ ءَ مذھب نیست۔ ناشرکاری ءِ ھلاپ ءَ جنگ داں ھما وھد ءَ برجاہ مان ایت داں گڈی ناشرکار ھلاس مہ بیت، شھید آنی قربانی کدی ھم بے سوب نہ بنت ءُ سرجمیں راج ناشرکاری ءِ ھلاپ ءَ یکجاہ بہ بیت۔ آئی ءَ گیش گوشت کہ ناشرکار آنی ھلاپ ءَ سیکورٹی فورسز ءِ جوانیں آپریشن ستا کرز انت۔ سردار ایاز صادق ءَ گوشت کہ دو روچی آپریشن ءِ تہ ءَ 163 ناشرکار آنی کوش فورسز ءِ پیشہ وارانہ ہنر ءِ ثبوت انت، سیکورٹی فورسز ءِ آپریشن داں ناشرکاری ءِ سرجمیں ھلاسی ءَ برجاہ مان ایت۔ آئی ءَ گوشت کہ ریاست بلوچستان ءَ امن ءِ دژمنیں عناصر ءِ ھلاپ ءَ آپریشن برجاہ دار ایت۔ سردار ایاز صادق ءَ گوشت کہ راج شہیدانی کھول ءِ غم ءَ شریک اِنت، ءُ اے غم ءِ ساھت ءَ شہید آنی کھول ءِ ھمراھی ءَ اوشتاتگ۔ راجی اسمبلی ءِ اسپیکر سردار ایاز صادق ءَ ھم شھیدانی رِتک برز کنگ ءُ ٹپیگانی زوت جان سلامتی ءِ دعا لوٹ اِتگ۔