درآمد کنوک وتی درآمد ءِ شیڈول ءَ پیسر ءَ چہ شیئر بہ کن اَنت، وفاقی وزیر جنید انور چوہدری ءِ پیغام ءَ چہ کھان ءِ درآمد کنوکاں گوں کلوہ

اسلام آباد۔1فروری  (اے پی پی):وفاقی وزیر برائے میری ٹائم جنید انور چوہدری ءَ گوشت کہ بندرگاہ ءِ نظام ءَ را پیشگی منصوبگ بندی ءِ وسیلگ ءَ گیش موثر جوڑ کنگ بوت کنت، درآمد کنوک وتی درآمد ءِ شیڈول ءَ را پیسر ءَ چہ شیئر بہ کن اَنت۔ یک شمبے ءِ روچ ءَ وزارت بحری امور ءِ رد ءَ وردن درآمد کنوک آناں کلوہ ءِ تہ ءَ آئی ءَ گوشت کہ رمضان ءِ ساھت ءَ وردن ءِ تیل ءُ المی وردن ءِ چیز آنی لوٹ سک باز گیش بیت، بندرگاہ آنی سر ءَ دباؤ کم کنگ ءِ واستہ درآمد ءِ حکمت عملی وھد ءِ سر ءَ جوڑ کنگ بہ بیت، پاکستانی بندرگاہ آنی سر ءَ اولی رند ءَ سر بوھگ ءِ اصول ءِ سر ءَ ایمان دار اَنت۔ جنید انور چوہدری ءَ گوشت کہ جہاز ءُ کارگو ءِ برتھنگ ءِ تہ ءَ دیر کنگ ءَ چہ بندرگاہ آنی سر ءَ رش ءِ سبب بیت، درآمد کنوک وتی درآمد ءِ شیڈول ءَ پیسر ءَ چہ شیئر بہ کن اَنت۔ وفاقی وزیر ءَ گوشت کہ بندرگاہ ءِ نظام ءَ را پیشگی منصوبگ بندی ءِ وسیلگ ءَ گیش موثر جوڑ کنگ بوت کنت، حکومت ءُ جندی شعبہ ءِ نیام ءَ وت مہ وتی کمک ءِ گوما وردن ءُ وراک ءِ وھد ءِ سر ءَ رسگ ممکن اِنت۔ جنید انور چوہدری ءَ گوشت کہ رمضان ءِ ساھت ءَ فوڈ سیکیورٹی ءَ را دل یکیمی کنگ راجی ذمہ واری انت۔ رمضان ءَ چہ پیسر وردن ءِ چیزانی پیشگی درآمد المی اِنت۔ آخری منٹ ءِ درآمد بندرگاہانی سرا غیر ضروری دباؤ ءِ سبب جوڑ بیت۔