پاکستان، مصر، اردن، امارات، انڈونیشیا، ترکی، سعودی عرب ءُ قطر ءِ دری کارانی وزیراں اسرائیل ءِ نیمگ ءَ غزہ ءَ جنگ بندی ءِ بار باریں خلاف ورزی ءِ مذمت

اسلام آباد۔1فروری  (اے پی پی):پاکستان، مصر، اردن، امارات، انڈونیشیا، ترکی، سعودی عرب ءُ قطر ءِ درئی کارانی وزیراں اسرائیل ءِ نیمگ ءَ غزہ ءَ جنگ بندی ءِ بار باریں ھلاپ ورزی ءِ سک باز مذمت کتگ ءُ جنگ بندی ءِ ھلاپ ورزی ءَ را سیاسی عمل ءِ ھاترا براہ راست ھترہ ءُ سازگاریں جاور ھال جوڑ کنگ ءِ ھاترا رکاوٹ لیک اتگ۔ یک شمبے ءِ روچ ءَ دری کارانی وزیر ءِ نیمگ ءَ جاڑی بوتگیں بیان ءِ رد ءَ دری کارانی وزیر آں وتی یکجائی بیان ءِ تہ ءَ گوشت کہ اے ھلاپ ورزی آنی آسر ءَ ھزار ءَ چہ گیش فلسطینی شھید ءُ ٹپی بوتگ اَنت۔ بیان ءَ اسرائیل ءِ اے کارروائی آناں گیشی ءِ وسیلگ لیک اتگ ءُ گوشتگ کہ اے امن ءُ ایمنی ءِ برجائی ءِ کوشست آناں ھراب کت کن اَنت ھاسیں رنگ ءَ اے وھد ءَ کہ دمگی ءُ میاں اوستمانی گل یکجاھی ءَ امریکی صدر ڈونلڈ ٹرمپ ءِ امن منصوبگ ءِ دومی بھر ءَ را دیم ءَ برگ ءُ اقوام متحدہ ءِ سلامتی کونسل ءِ قرارداد 2803 ءِ سر ءَ عمل کنگ ءِ ھاترا کار کنگ ءَ اَنت۔ جنگ بندی سیاسی عمل ءِ ھاترا مستقیمیں ھترہ ءِ جوڑ کنت ءُ غزہ ءِ پٹی ءَ ایمنی ءُ انسانی جاور ھال آنی رد ءَ گیش مھکمیں پڑ ءِ نیمگ ءَ رھادگ بوھگ ءِ ھاترا سازگاریں جاور ھال جوڑ کنگ ءِ برجاھیں کوشست آناں رکاوٹ جوڑ کنت۔ آہاں صدر ٹرمپ ءِ امن منصوبگ ءِ دومی بھر ءِ سوبمندی ءَ را دل یکیمی کنگ ءِ ھاترا سرجمیں عزم ءِ ضلورت ءِ سر ءَ زور پر دات۔ دری کارانی وزیراں اے نازرکیں موڑ ءَ سرجمیں رنگ ءَ وتی ذمہ واری آنی سر ءَ زورگ ءِ لوٹ کتگ، گیش ءَ چہ گیش تحمل ءِ کارمرد کنگ، جنگ بندی ءِ برجائی ءُ مھکم کنگ ءِ واستہ ھرچ وڑیں گامگیج چست کنگ ءُ ھرچ کارروائی ءَ چہ دست کش بوھگ ءِ لوٹ کتگ کہ آ انوگیں عمل ءَ را ھراب کنت۔ ھمے وھد ءَ پہ زوتیں رھشونی ءُ نوک جوڑی ءِ عمل ءِ دیم ءَ برگ ءُ فلسطینی راج ءِ وت واجہی ءُ ریاست ءِ ھک ءِ بنیاد ءَ یک انصاف ءُ دائمی امن ءِ جوڑ کنگ ءِ ھاترا ، میان اُستمانی کانود ، اقوام متحدہ ءِ سلامتی کونسل ءِ ھمگرنچیں قرارداد ءُ عرب امن ءِ رھبند ءِ رد ءَ ، سازگاریں جاور جوڑ کنگ بہ بنت ۔