مہلوک ءِ وشھالیءُ دیمروئی مدام مسلم لیگ (ن) ءِ تخصص بوتگ، مسلم لیگ (ن) ءَ مدام تعمیری سیاست ءِ رندگیری کتگ، وفاقی وزیر اطلاعات عطا اللہ تارڑ ءَ کارکناں گوں تران

لاہور۔1فروری  (اے پی پی):وفاقی وزیر اھوالکاری ءُ شنگکاری عطا اللہ تارڑ ءَ گوشت کہ مسلم لیگ ءِ مدام مہلوک ءِ وشھالی ءُ دیمروئی ءِ تخصص بوتگ، مسلم لیگ ن ءَ مدام تعمیری سیاست ءِ رندگیری کتگ۔ آئی ءَ اے ھیالانی درشانی یک شمبے ءِ روچ ءَ ادا مسلم لیگ (ن) ءِ سروک خواجہ سعد رفیق ءِ گوما کارکناں گوں تران کنان ءَ کت۔ وفاقی وزیر اطلاعات ءَ گوشت کہ والٹن ءِ حلقہ ءَ چارگ ءَ چہ مردم حسد بیت، اے یک انچیں حلقہ یے کہ ایشی ءِ تہ ءَ الس ءِ نمائندگ ہر آسراتی ءِ واستہ کوشست کن اَنت۔ آئی ءَ گوشت کہ اے دمگ ءِ کوچگ آنی سر ءَ دلگوشی دیگ بوتگ، ایشی ءِ تہ ءَ آپ ءُ گٹر ءِ جیڈھ ھوار اَنت، وانگ ءُ زانگ ءِ ھمراھی ءَ دگہ بنیاتی آسراتی آنی گوما، والٹن دمگ ءِ راست ءُ چپیں نیمگ ءَ زھگ آنی واستہ خواجہ رفیق شہید کالج ءُ جنک آنی واستہ ربیعہ بسری کالج ءِ گندگ ءَ فخر اِنت۔ آئی ءَ گوشت کہ جوڑیشت ءُ دیمروئی مدام مسلم لیگ ءِ شعار بوتگ، مسلم لیگ ءَ مدام تعمیری سیاست ءَ را ترجیح داتگ۔ آئی ءَ گوشت کہ خواجہ سعد رفیق ءَ اے حلقہ ءِ واستہ ریکارڈ کار کتگ، ما کوشست کناں کہ نہ ایوک ءَ آئی ءِ دیمروئی کار دیم ءَ برگ بہ بیت بلکینگ ءَ اے حلقہ ءَ را لاہور ءِ مثالی حلقہ آنی تہ ءَ شمار کنگ بہ بیت۔ حلقہ ئِ گہتری ئِ واستہ دیمروئی ئِ کار برجاہ مان انت۔ باکی ءِ جیڑہ ھم شور ءُ سلاہ ءِ وسیلگ ءَ گیش ءُ گیوار کنگ بہ بنت۔ آئی ءَ گوشت کہ کار گوں دلیری ءُ فکر ءَ کنگ بیت، آئی ءَ اے گپ چہ خواجہ سعد رفیق ءَ دربرتگ: “پاد بیا، ترس چے اِنت، پدا بچار کہ خدا چے کنت۔”