اسلام آباد۔30جنوری (اے پی پی):نائب مزن وزیر ءُ دری کارانی وزیر سینیٹر محمد اسحاق ڈار ءَ مزن وزیر ءِ نیمگ ءَ جوڑ کتگیں اقتصادی اصلاحات کمیٹی ءِ مزن تک ءِ دیوان ءِ سروکی ءَ کت۔ دیوان ءِ مول ءُ مراد ایش ات کہ پلاننگ ڈویژن ءَ را درستیں اقتصادی پالیشی آنی واستہ یک مرکزی کلیئرنگ ہاؤس ءِ رنگ ءَ جوڑ کنگ بہ بیت، ایشی ءِ تہ ءَ اقتصادیءُ سیادی …
نائب مزن وزیر ءُ دری کارانی وزیر سینیٹر محمد اسحاق ڈار ءَ مزن وزیر ءِ نیمگ ءَ جوڑ کتگیں اقتصادی اصلاحات کمیٹی ءِ مزن تک ءِ دیوان ءِ سروکی ءَ کنگ ءَ انت
گیشتریں ھال
اسلام آباد۔30جنوری (اے پی پی):نائب مزن وزیر ءُ دری کارانی وزیر سینیٹر محمد اسحاق ڈار ءَ مزن وزیر ءِ نیمگ ءَ جوڑ کتگیں اقتصادی اصلاحات کمیٹی ءِ مزن تک ءِ دیوان ءِ سروکی ءَ کت۔ دیوان ءِ مول ءُ مراد ایش ات کہ پلاننگ ڈویژن ءَ را درستیں اقتصادی پالیشی آنی واستہ یک مرکزی کلیئرنگ ہاؤس ءِ رنگ ءَ جوڑ کنگ بہ بیت، ایشی ءِ تہ ءَ اقتصادیءُ سیادی داروکیں وزارت ءُ نجی شعبہ ءِ کلیدی اسٹیک ہولڈر آناں ہوار کنگ بہ بیت۔ ایشی ءَ ابید جتا جتائیں شوبگ آنی تہ ءَ اصلاحات ءُ اسٹریٹجک گامگیج آناں جوانیںءُ ھمگرنچیں رنگ ءَ عمل کنگ ءَ را دلیکیمی کنگ ءِ واستہ جتا جتائیں پالیسیءُ دیمروئی بال آنی جوڑ کنگ ءِ سر ءَ ھم گپ ءُ تران کنگ بوت۔ وزارت ءِ درئی کار ءِ نیمگ ءَ جاڑی بوتگیں بیان ءِ رد ءَ دیوان ءَ منصوبگ بندی، مالیات، توانائی (پاور)، اقتصادی امور ڈویژن ءِ وزیر، مزن وزیر ءِ ھاسیں کمکار طارق باجوہ، چیف اکانومسٹ، سیکرٹری پلاننگ ءُ کنسر ءِ ایندگر مزنیں کارندہ آنی نیمگ ءَ بھر زوری بوتگ۔
